Birgitta Jóns­dótt­ir, fyrr­ver­andi þing­maður og kafteinn Pírata, er hætt í flokkn­um. Þetta kemur fram í stöðu­upp­færslu á Face­book hjá henni.

Í sam­tali við Kjarn­ann segir Birgitta að það sé langt síðan hún hætti í flokkn­um. Hún seg­ist hafa upp­lifað tak­mark­aðan áhuga fyrir hennar helsta áherslu­máli, sem er upp­lýs­inga- og tján­inga­frels­ið. „Það var ein af megin ástæð­unum fyrir því að ég stofn­aði Pírata. Mér fannst ég ekki skynja og fann engan áhuga þar frekar en ann­ars staðar fyrir þessu,“ segir Birgitta.

Hún seg­ist hafa farið inn á Alþingi fyrst fyrir átta árum með vænt­ingar um raun­veru­legar breyt­ingar á sam­fé­lag­inu eftir hrun­ið. „Ég lét mig dreyma um aðkomu almenn­ings að mál­um, nýja stjórn­ar­skrá og ein­hverjar raun­veru­legar breyt­ingar þannig að þeir sem fara með völdin axli ábyrgð þegar þeir klúðra ein­hverju. Ekk­ert af þessu hefur gengið eft­ir.“

Aðspurð um hvort hún hafi yfir­gefið flokk­inn í góðu eða slæmu segir hún: „Ég var í fýlu en það er langt síðan ég hætti í henn­i.“