Stefnt er að því að bjóða upp á kennslu í hindí við Háskóla Íslands háskóla­árið 2018 til 2019 sam­kvæmt vilja­yf­ir­lýs­ingu sem Jón Atli Bene­dikts­son, rektor Háskóla Íslands, og Rajiv K. Nag­pal, sendi­herra Ind­lands á Íslandi, und­ir­rit­uðu í gær.

Þetta kemur fram í til­kynn­ing­inu frá Háskóla Íslands.

Í vilja­yf­ir­lýs­ingin segir að Menn­ing­ar­tengsla­ráð Ind­lands muni kosta stöðu sendi­kenn­ara í hindí við Háskóla Íslands til tveggja ára í senn með mögu­leika á fram­leng­ingu um eitt ár. Háskól­inn muni leggja til hús­næði og aðstöðu fyrir bæði sendi­kennar­ann og kennslu í tungu­mál­inu og munu skól­inn og Menn­ing­ar­tengsla­ráðið í sam­ein­ingu velja kenn­ar­ara til starfans. Kenn­ar­inn muni í sam­starfi við Háskól­ann ákveða skipu­lag náms­ins og þau nám­skeið sem í boði verða. Vilja­yf­ir­lýs­ing­ing gerir jafn­framt ráð fyrir að kenn­ar­inn muni flytja einn opinn fyr­ir­lestur á ári við Háskóla Íslands um mál­efni sem snerta Ind­land.

Sam­kvæmt yfir­lýs­ing­unni verður námið hýst í Mála- og menn­ing­ar­deild Hug­vís­inda­sviðs. Hindí bæt­ist með þessu við flóru fjórtán erlendra tungu­mála sem þegar eru í boði við Háskóla Íslands.

Hindí til­heyrir flokki indó­evr­ópskra tungu­mála eins og íslenska og er fyrst og fremst töluð í Ind­landi sem er næst­fjöl­menn­asta ríki heims. Talið er að um 260 millj­ónir manna hafi hindí að móð­ur­máli sem þýðir að það er fjórða algeng­asta tungu­mál í heim­inum á eftir mandar­ín-kín­versku, spænsku og ensku.

„Und­ir­ritun vilja­yf­ir­lýs­ing­ar­innar er merkur áfangi í upp­bygg­ingu tungu­mála­kennslu við Háskóla Íslands. Málið hefur verið í und­ir­bún­ingi um nokk­urt skeið og ég vil þakka sendi­herra Ind­lands á Íslandi og ind­verskum stjórn­völdum fyrir mik­inn vel­vilja í garð Háskóla Íslands. Kennsla og rann­sóknir á sviði erlendra tungu­mála hafa verið í sókn við Háskól­ann og er þess skemmst að minn­ast að Ver­öld – hús Vig­dísar var tekið í notkun á síð­asta ári, en þar á m.a. aðsetur alþjóð­leg tungu­mála­mið­stöð. Það er mikið gleði­efni að hindí, sem er fjórða algeng­asta tungu­mál heims, skuli brátt bæt­ast í fjöl­skrúð­uga flóru erlendra tungu­mála við Háskóla Íslands,“ sagði Jón Atli Bene­dikts­son, rektor Háskóla Íslands, við und­ir­ritun vilja­yf­ir­lýs­ing­ar­innar í gær.