Nýr Laugardalsvöllur kosti á bilinu 7 til 18 milljarða

Reykjavíkurborg, ríkið og KSÍ hafa samþykkt að stofna undirbúningsfélag um mögulega uppbyggingu nýs Laugardalsvallar.

Laugardalsvöllur
Auglýsing

Reykja­vík­ur­borg, ríkið og KSÍ hafa sam­þykkt að stofna und­ir­bún­ings­fé­lag um mögu­lega upp­bygg­ingu nýs Laug­ar­dalsvall­ar. Félagið verður 50 pró­sent í eigu Reykja­vík­ur­borg­ar, 42,5 pró­sent í eigu rík­is­ins og 7,5 pró­sent í eigu KSÍ.

Starfs­hópur sem ríkið og Reykja­vík­ur­borg skip­aði í jan­úar um upp­bygg­ingu Laug­ar­dalsvallar hefur skilað af sér niðu­stöð­um. Hóp­ur­inn fór yfir hug­myndir um þjóð­ar­leik­vang fyrir knatt­spyrnu, lagði mat á þær og gerði til­lögur um mögu­lega upp­bygg­ing­u. 

Auglýsing
Helstu nið­ur­stöður starfs­hóps­ins eru:

  1. Margt mælir með því að núver­andi þjóð­ar­leik­vangur í Laug­ar­dal verði end­ur­nýj­að­ur.

  2. Rík­ið, Reykja­vík­ur­borg og KSÍ stofni und­ir­bún­ings­fé­lag um mögu­lega fram­kvæmd og taki upp við­ræður um eign­ar­hald á þjóð­ar­leik­vangn­um.

  3. Und­ir­bún­ings­fé­lagið bjóði út samn­ing um end­an­lega þarfa­grein­ingu, skipu­lagn­ingu verk­efn­is­ins, kostn­að­ar­á­ætlun og gerð útboðs­gagna.

  4. Þjóð­ar­leik­vangur getur hvort heldur sem er verið opinn knatt­spyrnu­völlur eða fjöl­nota­leik­vangur með opn­an­legu þaki.

  5. Reykjavíkurborg, ríkið og KSÍ stofna undirbúningsfélag um uppbyggingu Laugardalsvallar. Mynd: StjórnarráðiðKostn­aður og áhætta við fjöl­nota­leik­vang er vel umfram kostnað og áhættu við opinn knatt­spyrnu­völl.

  6. Ákvörðun um bygg­ingu og eign­ar­hald þjóð­ar­leik­vangs verði tekin með hlið­sjón af nið­ur­stöðu vinnu und­ir­bún­ings­fé­lags og stöðu opin­berra fjár­mála.

  7. Áætlað er að und­ir­bún­ingi fyrir ákvörðun verði lokið í lok árs 2018.

  8. Verði tekin ákvörðun um bygg­ingu þjóð­ar­leik­vangs getur útboðs­ferli fram­kvæmda tekið frá nokkrum mán­uðum og upp undir eitt ár og fram­kvæmda­tími verið að minnsta kosti tvö ár.

  9. Huga verður að mögu­legu for­dæmi ákvörð­unar um bygg­ingu þjóð­ar­leik­vangs fyrir aðrar íþrótta­greinar með hlið­sjón af vænt­an­legri reglu­gerð um þjóð­ar­leik­vanga.

  10. Hvetja ætti til opinnar umræðu um bygg­ingu þjóð­ar­leik­vangs á grund­velli þeirra ítar­legu gagna sem tekin hafa verið saman á und­an­förnum miss­er­um.

Tveir val­kostir til stækk­unar - kostar 7 til 18 millj­arða

Hóp­ur­inn skoð­aði tvo val­kosti ann­ars vegar völl fyrir um 17.500 áhorf­endur með yfir­byggðum áhorf­enda­stæðum en opnu þaki yfir leik­vell­in­um. Hins vegar kostur B sem er fjöl­nota mann­virki fyrir um 20.000 áhorf­endur með þaki yfir leik­vell­inum sem hægt er að opna og loka eftir þörf­um.

Veru­legur munur er á þessum mann­virkjum til við­bótar við þakið sjálft og felst mun­ur­inn þá ekki aðeins í mis­mun­andi útfærslum heldur einnig notk­un­ar­mögu­leik­um. Að baki hvorum val­kosti um sig liggja þess vegna mis­mun­andi við­skipta- og rekstr­ar­á­ætl­an­ir.

Valkostur A. Mynd: Stjórnarráðið

Hug­myndir um útfærslu A gera ráð fyrir nútíma­legum knatt­spyrnu­velli sem upp­fyllir allar kröfur UEFA og FIFA til þjóð­ar­leik­vangs. Leik­vangur A er fyrst og fremst hugs­aður fyrir knatt­spyrnu en þó er gert ráð fyrir auka við­burðum í rekstr­ar­á­ætl­un. Völl­ur­inn mun rúma rúm­lega 17.500 yfir­byggð sæti og 25.000 manns á tón­leikum að sumri að til. Vest­ur­stúkan (að­al­stúkan) mun halda sér en rými inn­an­dyra end­ur­skiplagt fyrir veit­inga­þjón­ustu. Rými fyrir fjöl­miðla og keppn­is­fólk verður end­ur­byggt og nútíma­vætt. Gras­völl­ur­inn verður end­ur­nýj­að­ur, skipt verður um und­ir­lag og dren ásamt því að leggja hita­lagn­ir. Hlaupa­brautin verður fjar­lægð og völl­ur­inn sjálfur færður nær vest­ur­stúku. Þrjár nýjar stúkur verða byggðar með nútíma­legri aðstöðu fyrir áhorf­end­ur.

Starfs­hóp­ur­inn dregur þá ályktun að val­kostur A kosti á bil­inu 7 til 11 millj­arða.

Valkostur B. Mynd: Stjórnarráðið

Meg­in­munur á val­kostum A og B er opn­an­legt þak, aukin aðstaða í við­bygg­ingu við aust­ur­stúku og sæti fyrir fleiri áhorf­end­ur. Sæti verða á vell­inum fyrir um 20.000 sæti og rými fyrir allt að 28.000 manns á tón­leik­um. Gert er ráð fyrir því að vest­ur­stúkan (að­al­stúkan) muni áfram halda sér en rými inn­an­dyra end­ur­ski­plögð. Einnig er gert ráð fyrir nýrri bygg­ingu í aust­ur­stúku fyrir veit­inga­þjón­ustu og sér­stök áhorf­enda­her­bergi. Mun meiri nýt­ing hlýst af opn­an­legu þaki vall­ar­ins og í rekstr­ar­á­ætl­unum er gert er ráð fyrir fjölda við­burða á ári.

Starfs­hóp­urin áætlar að val­kostur B kosti á bil­inu 11 til 18 millj­arða.

Völl­ur­inn vígður vorið 2021

Sam­kvæmt tíma­línu sem starfs­hóp­ur­inn hefur sett upp í kringum verk­efnið er gert rað fyrir að í kjöl­far stofn­unar und­ir­bún­ings­fé­lags­ins verði útboðs­gögn und­ir­búin snemma nú í sum­ar, verk­efnið aug­lýst og skipu­lags­mál und­ir­bú­in. Síð­sum­ars verði samið við aðila um stýr­ingu verk­efn­is­ins. Í des­em­ber verði tekin ákvörðun um útfærslu og næsta vor verði gerðir samn­ingar um upp­bygg­ingu nýs vallar sem síðan er stefnt á að verði vígður vorið 2021.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiInnlent