Jerry Brown, rík­is­stjóri í Kali­forn­íu, neitar að hlýða Don­ald Trump Banda­ríkja­for­seta. Hingað til hefur hann neitað að fara eftir svo til öllu sem Trump hefur lagt til, og hefur auk þess höfðað dóms­mál í nokkur skipti þegar Trump hefur til­kynnt um fyr­ir­skip­anir og aðgerðir á sviði umhverf­is­mála. Þannig brást Kali­fornía strax við því, þegar Trump dró Banda­ríkin út úr Par­ís­ar­sam­komu­lag­inu, og lýsti því yfir að ríkið myndi standa við sitt og gott bet­ur. 

Núna neitar Brown að hlýða fyr­ir­skipun um að þjóð­varð­ar­lið Banda­ríkj­anna verði sent að landa­mærum Banda­ríkj­anna og Mexíkó, innan Kali­forn­íu, til að fylgj­ast með straumi fólks yfir landa­mær­in. Trump vill að fjögur þús­und manna lið verði við landa­mær­in, en Brown segir þetta óþarfa. Hann segir landamæra­gæsl­una góða og seg­ist treysta því að alrík­is­stjórnin hafi nægi­lega stjórn á því verk­efni sem hún á að sinna, sem er landamæra- og toll­gæsla.

Þjóð­varð­ar­liðið heyrir hins vegar undir ríkin sjálf, og því verða rík­is­stjórar að sam­þykkja það þegar þau eiga að sinna til­teknum verk­efn­um. Nú þegar hafa um þús­und liðar úr þjóð­ar­varð­ar­lið­inu farið að landa­mær­unum og munar mest um 650 manna lið frá Texas. Óskað var eftir því að Kali­fornía legði til 237 liða en Brown var ekki til­bú­inn að verða við því.

neitar að verða við óskum Don­alds Trumps, for­seta Banda­ríkj­anna, um að senda þjóð­varð­liða til að fylgj­ast með ólög­legum inn­flytj­endum frá Mexíkó. Trump til­kynnti fyrir nokkru að hann ætl­aði að senda fjögur þús­und þjóð­varð­liða að landa­mærum Banda­ríkj­anna og Mexíkó til að halda aftur af straumi ólög­legra inn­flytj­enda.

Kali­fornía er fjöl­menn­asta ríki Banda­ríkj­anna með 38 millj­ónir íbúa, og má með sanni segja að ráða­menn þar séu miklir and­stæð­ingar Trumps for­seta og þess sem hann stendur fyr­ir. Kali­fornía er mikið vígi Demókrata, eins og nágranna­rík­in, Oregon og Was­hington. Sam­tals búa um 50 millj­ónir manna í þessum þremur ríkjum á vest­ur­strönd­inni.