Dagur B. Egg­erts­son, borg­ar­stjóri í Reykja­vík og odd­viti Sam­fylk­ing­ar­innar í kom­andi borg­ar­stjórn­ar­kosn­ing­um, segir að það sé mjög lít­ill munur á mál­flutn­ingi Eyþóri Arn­alds, odd­vita Sjálf­stæð­is­manna, og Vig­dísi Hauks­dótt­ur, odd­vita Mið­flokks­ins, þegar kemur að helstu borg­ar­mál­um. Hann sér ekki fyrir sér að Sam­fylk­ingin geti unnið með þeim flokkum né öðrum sem leggj­ast gegn gild­andi skipu­lagi í Reykja­vík.

Þetta er á meðal þess sem kemur fram í sjón­varps­þætti Kjarn­ans á Hring­braut sem frum­sýndur er klukkan 21 í kvöld. Hægt er að sjá stiklu úr þætti kvölds­ins í spil­ar­anum hér að ofan.

Dagur segir að það sé óljóst eftir því hvaða fram­bjóð­endur Sjálf­stæð­is­flokks­ins tali hver stefna flokks­ins sé nákvæm­lega í sam­göngu­mál­um, og þar með í afstöðu gagn­vart Borg­ar­línu. „En síð­ast í gær í borg­ar­stjórn þegar verið var að greiða atkvæði um breyt­ingar á svæð­is­skipu­lagi út af Borg­ar­línu þá greiddi borg­ar­stjórn­ar­flokkur Sjálf­stæð­is­flokks­ins atkvæði gegn þeirri breyt­ingu. Reyndar vant­aði Hall­dór Hall­dórs­son og Áslaugu Frið­riks­dótt­ur, sem hefur verið ýtt svo­lítið til hliðar núna í aðdrag­anda kosn­inga innan flokks­ins. En þar krist­all­að­ist bein and­staða. Eins og hjá odd­vita sjálf­stæð­is­manna hingað til. Vig­dís Hauks­dóttir og Eyþór Arn­alds tala býsna líkt um þessi mál, eins og í fleiri mál­um. Það er mjög lít­ill munur á Eyþóri Arn­alds og Vig­dísi Hauks­dótt­ur, sýn­ist mér.“

Í þætt­inum verður einnig farið yfir hverjar kosn­inga­á­herslur Sam­fylk­ing­ar­innar verða, og Dagur er spurður út í gagn­rýni á frammi­stöðu meiri­hlut­ans í t.d. rekstri borg­ar­innar og dag­vist­un­ar­mál­um.

Í næstu viku verður Eyþór Arn­alds, odd­viti Sjálf­stæð­is­manna, gestur þátt­ar­ins.