Vel­ferð­ar­ráðu­neytið hefur falið Land­spít­ala og öðrum heil­brigð­is­stofn­unum að sinna þjón­ustu við sæng­ur­konur og börn þeirra sem verið hefur í höndum ljós­mæðra með samn­ing við Sjúkra­trygg­ingar Íslands. Þetta kemur fram í yfir­lýs­ingu á vef Land­spít­al­ans.

Þar segir að spít­al­inn telji að þjón­ustan hafi gengið vel eins og hún var úr garði gerð en að Land­spít­ali muni sinna verk­efn­inu eins og unnt er þar til deilan leys­ist. „Þetta mun skapa mik­inn vanda sem bæt­ist við þá alvar­legu stöðu sem blasir við vegna kjara­deilu ljós­mæðra við rík­is­vald­ið. Land­spít­ali er ekki aðili að þessum samn­ingum og hvetur til lausnar máls­ins hið fyrsta.“

Fjöl­margar ljós­mæður leggja niður störf

Kjarn­inn greindi frá því í morgun að í það minnsta 60 ljós­­mæður ætl­uðu leggja niður störf í dag og að þær ætli ekki að taka til starfa á nýjan leik, fyrr en samn­ingur við Sjúkra­­trygg­ingar Íslands um greiðslur til þeirra hafa verið und­ir­­rit­aðar og stað­­fest­­ar.

Nú er hins vegar ljóst að allar 95 ljós­­mæður sem sinna heima­­þjón­­ustu munu leggja niður störf.

Eins og kunn­ugt er, hafa kjara­við­ræður ljós­­mæðra og rík­­is­ins staðið yfir mán­uðum saman án þess að sam­komu­lag haf náðst. Fundað hefur verið hjá Rík­­is­sátta­­semj­­ara en það hefur engum árangri skil­að.

Þá hefur Bjarni Bene­dikts­­son, fjár­­­mála­ráð­herra, sagt að kröf­­urnar sem ljós­­mæður hafa komið fram með, séu óað­­geng­i­­legar þar sem þær myndu hafa slæm áhrif á vinn­u­­mark­að­inn í heild sinni.

Svan­­dís Svav­­­ar­s­dótt­ir, heil­brigð­is­ráð­herra, sagði í Morg­un­­blað­inu í dag, að aðgerðir ljós­­mæðra í heima­þjón­ustu komi henni á óvart.

Aðspurð um ástæðu þess, að til­­­bú­inn samn­ingur Sjúkra­­trygg­inga við ljós­­mæður í heima­­þjón­­ustu hafi legið svo lengi óund­ir­­rit­aður á hennar borði, sagði Svan­­dís að bera þurfi til­­­tekna þætti samn­ings­ins undir Land­­spít­­al­ann og Fjórð­ungs­­sjúkra­­húsið á Akur­eyri, áður en hægt sé að ganga end­an­­lega frá hon­­um.

Munu dvelja lengur á spít­al­anum

Heima­þjón­ustan sem um ræðir er í boði fyrir konur sem hafa nýverið átt barn eða eru að fara að eign­ast slíkt. Mis­jafnt er hversu fljótt konur fara heim af fæð­ing­ar­deild­inni eftir fæð­ingu en þá tekur heima­þjón­ustan í flestum til­fellum við þjón­ustu­hlut­verki við mæð­urn­ar.

Eft­ir­lit hennar felst meðal ann­ars í því að fylgj­ast með ástandi móður og barns og hvernig til tekst með brjósta­gjöf. Mis­mun­andi er eftir konum og börnum hversu mikil þjón­ustan er. Anna Sig­rún Bald­urs­dótt­ir, aðstoð­ar­maður for­stjóra Land­spít­ala, segir að konur muni dvelja lengur á spít­al­anum eftir fæð­ingu ef heima­þjón­ustan sé ekki lengur í boði. Síðan verði gert ráð fyrir því að heilsu­gæslu­stöðvar taki við eft­ir­lits- og þjón­ustu­hlut­verk­inu.