Ritun sögu ÁTVR hefur tekið 13 ár en sagan mun koma út í næstu viku. Kjarn­inn óskaði eftir upp­lýs­ingum hversu mikið verk­efnið hefur kostað en þær hafa ekki feng­ist.

Í nýút­kominni árs­skýrslu ÁTVR kemur fram að saga ÁTVR muni koma út á árinu. Ákvörð­unin var tekin í stjórn­ar­tíð Hösk­uldar Jóns­son­ar, en hann var for­stjóri ÁTVR frá 1986 til 2005. Þá tók Ívar Arndal, núver­andi for­stjóri við. Í árs­skýrslu ÁTVR frá árinu 2005 kemur fram að stefnt var á að gefa hana út árið 2007 á 85 ára afmæli ÁTVR. Útgáfa sög­unnar hefur því taf­ist umtals­vert.

Í upp­haf­legri kostn­að­ar­á­ætlun frá árinu 2006 var gert ráð fyrir að kostn­aður við ritun og útgáfu sög­unnar væri 14,4 millj­ón­ir. Verk­efnið hefur taf­ist í yfir 10 ár og árið 2016 var áætl­aður kostn­aður til verk­efn­is­ins 22 millj­ónir króna.  

Hildigunnur Ólafs­dótt­ir, afbrota­fræð­ingur og sjálf­stætt starf­andi fræði­maður við Reykja­víkur aka­dem­í­una, Sum­ar­liði R. Ólafs­son, lektor í hag­nýtri menn­ing­ar­miðlum og Sverrir Jak­obs­son, pró­fessor í mið­alda­sögu komu að ritun sög­unn­ar. Aðstoð­ar­for­stjóri ÁTVR, Sig­rún Ósk Sig­urð­ar­dótt­ir, gerir ráð fyrir að sagan verði prentuð í litlu upp­lagi en einnig birt á heima­síðu ÁTVR.