Rík­is­stjórnin mun leggja til 10 millj­ónir króna vegna end­ur­bóta á Nor­ræna hús­inu í til­efni af 50 ára afmæli húss­ins. Þetta var ákveðið á rík­is­stjórn­ar­fundi þann 20. apríl síð­ast­lið­inn. Þetta kemur fram í frétt for­sæt­is­ráðu­neyt­is­ins. 

Kjarn­inn hefur undir höndum teikn­ingar af fyr­ir­hug­uðum fram­kvæmdum en til stendur að reisa lágreistan hvítan múr­vegg sem snúa mun að Sæmund­ar­götu. Áætlað er að vegg­ur­inn verði til­bú­inn fyrir afmæl­is­dag húss­ins sem er 24. ágúst næst­kom­and­i. 

Í frétt ráðu­neyt­is­ins segir að Nor­ræna húsið hafi verið opnað 1968 og hafi það verið lif­andi mið­stöð nor­rænnar sam­vinnu og menn­ingar á Íslandi allar götu síð­an. Í til­efni afmæl­is­ins hafi verið ráð­ist í marg­vís­legar end­ur­bætur á hús­inu og umhverfi þess og hafi Nor­ræna ráð­herra­nefnd­in, Nor­ræna húsið sjálft og Reykja­vík­ur­borg staðið straum af kostn­aði vegna þess. 

Enn fremur verða upp­runa­legu ljósastaur­arnir end­ur­gerð­ir, nátt­úru­legt umhverfi end­ur­heimt, merk­ingar bættar og göngu­stígur að hús­inu lag­færð­ur. 

Umrædd til­laga og útfærslur við Nor­ræna húsið og þær myndir sem fylgja frétt­inni eru unnin af Tví­hof arki­tekt­um.