Katrín Jak­obs­dóttir for­sæt­is­ráð­herra segir að mál Braga Guð­brands­son­ar, fyrr­ver­andi for­stjóra Barna­vernd­ar­stofu, hafi ekki borið á góma á fundi rík­is­stjórn­ar­innar þann 23. febr­úar síð­ast­lið­inn þegar sam­þykkt var að hann yrði fram­bjóð­andi Íslands til Barna­rétt­ar­nefndar Sam­ein­uðu þjóð­anna. 

Í umfjöllun Stund­ar­innar í morgun kom fram að Bragi hafi beitt sér fyrir því að maður fengi að umgang­ast dætur sínar sem hann var grun­aður um kyn­ferð­is­brot gegn. 

Katrín segir að aftur á móti hafi verið greint á fund­inum frá nið­ur­stöðu vel­ferð­ar­ráðu­neyt­is­ins um að Bragi væri tal­inn hæfur og að hann hafi ekki brotið af sér í starf­i. 

Fara yfir málin þegar Ásmundur kemur að utan

Ás­mundur Einar er erlendis en hann hefur verið boð­aður á opinn fund í vel­ferð­ar­nefnd næst­kom­andi mánu­dag. Hall­dóra Mog­en­sen, for­maður vel­ferð­ar­nefndar Alþingis og þing­maður Pírata, ­fé­lags- og jafn­rétt­is­mála­ráð­herra, greindi frá þessu í dag. 

Katrín seg­ist hafa heyrt í Ásmundi Ein­ari í dag og að þau muni fara yfir málin þegar hann kemur til bak­a. 

Aðspurð um hvort að þau atriði sem nú liggja fyrir eftir umfjöllun Stund­ar­inn­ar, um afskipti Braga að máli manns­ins sem grun­aður var um að brjóta gegn dætrum sín­um, breyti ein­hverju þegar kemur að stuðn­ingi Katrínar sjálfrar og rík­isstjón­ar­innar við fram­boð Braga hjá Sam­ein­uðu þjóð­unum ítrekar hún að hún muni ræða málið við Ásmund þegar hann kemur að utan.

Frestur rennur út á mánu­dag­inn

Kosið er í Barna­rétt­ar­nefnd Sam­ein­uðu þjóð­anna á tveggja ára fresti, níu full­trúar í hvert sinn. Hver full­trúi er kos­inn til fjög­urra ára í senn. Næsta val full­trúa í nefnd­ina fer fram þann 29. júní næst­kom­andi en Utan­rík­is­ráðu­neytið mun stýra kosn­inga­bar­áttu vegna fram­boðs full­trúa Íslands með milli­göngu fasta­nefnd­ar­innar í New York.  Frestur til fram­boðs rennur út næst­kom­andi mánu­dag. 

Í frétt vel­ferð­ar­ráðu­neyt­is­ins frá 23. febr­úar kemur fram að Norð­ur­löndin telji mik­il­vægt að eiga rödd á vett­vangi Barna­rétt­ar­nefnd­ar­innar og síð­ast­liðin átta ár hafi Nor­egur átt þar full­trúa; Kirsten Sand­berg, lög­fræð­ing og sér­fræð­ing í rétt­indum barna. Hún muni ekki gefa kost á sér áfram og hingað til hafi ekk­ert Norð­ur­land­anna skilað inn fram­boði.