Hlaðvörp Kjarnans í Strætó-appinu

Bílveiki og viljinn til að ýta undir hlaðvarpsmenningu á Íslandi varð kveikjan að því að hlaðvörp eru nú aðgengileg í einu vinsælasta appi landsins, Strætó-appinu.

Umsjónarmenn hlaðvarpanna sem nálgast má í Strætó-appinu.
Umsjónarmenn hlaðvarpanna sem nálgast má í Strætó-appinu.
Auglýsing

Strætó hefur bætt þeim eig­in­leika við Strætó-app­ið, sem um 96.500 manns hafa sótt, að hægt er að hlusta á hlað­vörp í því. Á meðal þeirra þeirra hlað­varpa sem eru aðgengi­leg í nýj­ustu upp­færslu apps­ins eru öll hlað­vörp Kjarn­ans. Auk þess er þar hægt að hlusta á hlað­vörp frá Alvarp­inu, Fót­bolta.­net, Fíla­lag og Í frjettum er þetta elzt.

Sem stendur býður hlað­varp Kjarn­ans upp á tólf mis­mun­andi þætti. Þeir eru Hismið, Tækni­varp­ið, Glim­merkok­teill­inn, Hefn­end­urn­ir, Aðför­in, Klikk­ið, Sam­tal við sam­fé­lag­ið, Kvikan, Sparkvarp­ið, Stóru mál­in, Þetta er merki­legt og Fex-hatt­ur­inn.

Ótrú­leg flóra af góðum íslenskum hlað­vörpum

Mynd: Skjáskot.Guð­mundur Heiðar Helga­son, mark­aðs- og upp­lýs­inga­full­trúi Strætó, segir að hug­myndin af því að gera hlað­vörp aðgengi­leg í Strætó-app­inu hafi meðal ann­ars sprottið upp frá því að hann hafi langað til að ýta undir hlað­varps­menn­ingu á Íslandi. „Ég stund­aði nám út í London í eitt ár og not­aði strætó eða lest­ina á hverjum degi. Ég var alltaf með hlað­vörp í eyr­unum til þess að stytta mér stund­irn­ar. Ég get ekki lesið eða verið mikið í sím­anum á ferð þar sem ég verð hræði­lega bíl­veik­ur, þannig að hafa afþr­ey­ingu í eyr­unum var full­komin lausn. Það var mikil hlað­varps­menn­ing úti og þá sér­stak­lega í kringum almenn­ings­sam­göng­ur. Mig lang­aði til þess að ýta frekar undir þessa menn­ingu hérna heima og þetta verk­efni er alveg í takt við þau mark­mið sem ég vinn eftir til að byggja upp ímynd Strætó. Svo má ekki gleyma að það er til ótrú­leg flóra af góðum íslenskum hlað­vörpum og okkur lang­aði að vekja frek­ari athygli á þeim meðal not­enda Strætó.“

Auglýsing

Guð­mundur segir að honum sjálfum þyki best að hlusta á hlað­vörp þegar hann er einn að ferð­ast. „Hvort sem að ég sé að fara í flug eða í strætó þá verður ferðin alltaf aðeins þægi­legri með gott hlað­varp í eyr­un­um. Það sem ég tel vera öðru­vísi við hlað­vörp, í sam­an­burði við t.d. tón­list, er að fólk sest niður og hlustar að ein­beit­ingu á hlað­vörp á meðan tón­list verður oft að hálf­gerðum bak­grunns­há­vaða.“

Hlað­varps­senan mun bara stækka

Dom­in­o´s Pizza á Íslandi hefur verið frum­kvöð­ull því að aug­lýsa í hlað­vörpum Kjarn­ans. Anna Fríða Gísla­dótt­ir, mark­aðs­stjóri Dom­in­o´s, segir að fyr­ir­tæk­inu hafi ein­fald­lega þótt þetta nýr og spenn­andi vett­vangur til þess að prófa að aug­lýsa vörur þess. „Hlað­varps­senan á Íslandi er í stöðugri þróun og ég hef á til­finn­ing­unni að hún muni bara stækka, bæði hvað hlust­endur og þætti varð­ar.“

Aðspurð um hver upp­á­halds hlað­vörp hennar á Kjarn­anum séu seg­ist hún aldrei missa af sínum bestu mönnum í Hism­inu. „Svo hlusta ég reglu­lega á Tækni­varp­ið. Glim­merkok­teill­inn er líka að koma skemmti­lega á óvart en síðan fer það eig­in­lega eftir efnum hvað ég hlusta á. Ég er í raun að segja að ég hlusta á þau öll.“

Liðsmenn Sparkvarpsins.Anna Fríða segir að hún trúi því að sífellt fleiri séu að átta sig á því hvað hlað­vörp geti verið skemmti­leg og fræð­andi. Þau séu lika meiri flötur fyrir sam­töl milli ein­stak­linga frekar en t.d. það að hlusta á tón­list. „Fyrir mig per­sónu­lega hvetja hlað­vörp mig enn frekar að vera aktív en ég fer reglu­lega í göngutúr eða þríf heim­ilið hátt og lágt þegar ég sé að það er komið nýtt og spenn­andi hlað­varp inn. Það getur ekki verið annað en jákvætt. Þau erlendu hlað­vörp sem ég hlusta á leggja mikið upp úr fram­leiðslu og í raun er oft eins og maður sé að hlusta á heim­ild­ar­mynd frekar en spjall. Mér finnst hins vegar gaman að hlusta á óform­leg spjöll en held að meira unnin hlað­vörp muni koma inn í auknum mæli hér­lend­is.“

Stjórn­endur Sparkvarps­ins, hlað­varps Kjarn­ans um knatt­spyrnu, tóku upp nýjasta þátt sinn um borð í Strætó þar sem þeir fóru meðal ann­ars yfir hvernig hinn jap­anski popp­kúltur bjó til hinn full­komna leik­mann. Hlað­vörp Kjarn­ans má einnig nálg­ast hér.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rauða kjötið: Áætlunin sem á að bjarga Boris
Pólitísk framtíð Boris Johnson er um margt óljós eftir að hann baðst afsökunar á að hafa verið viðstaddur garðveislu í Downingstræti í maí 2020 þegar útgöngubann vegna COVID-19 var í gildi. „Rauða kjötið“ nefnist áætlun sem á að halda Johnson í embætti.
Kjarninn 17. janúar 2022
Þórhildur Sunna Ævarsdóttir þingmaður Pírata.
Spurði forsætisráðherra út í bréfið til Kára
Þingmaður Pírata spurði forsætisráðherra á þingi í dag hver tilgangurinn með bréfi hennar til forstjóra ÍE hefði verið og hvers vegna hún tjáði sig um afstöðu sína gagnvart úrskurði Persónuverndar við forstjóra fyrirtækisins sem úrskurðurinn fjallaði um.
Kjarninn 17. janúar 2022
Mun meira kynbundið ofbeldi í útgöngubanni
Þrátt fyrir að útgöngubann auki verulega líkur á ofbeldi gagnvart konum og transfólki hefur málaflokkurinn fengið lítið sem ekkert fjármagn í aðgerðum stjórnvalda víða um heim til að bregðast við afleiðingar heimsfaraldursins.
Kjarninn 17. janúar 2022
Heimild til að slíta félögum sett í lög 2016 – Fyrsta tilkynning send út 2022
Fyrir helgi sendi Skatturinn í fyrsta sinn út tilkynningar til 58 félaga sem hafa ekki skilað inn ársreikningum þar sem boðuð eru slit á þeim. Lögin voru sett árið 2016 en ráðherra undirritaði ekki reglugerð sem virkjaði slitaákvæðið fyrr í haust.
Kjarninn 17. janúar 2022
Umfjallanir um liprunarbréf Jakobs Frímanns og „Karlmennskuspjallið“ ekki brot á siðareglum
Hvorki DV né 24.is brutu gegn siðareglum Blaðamannafélags Íslands með umfjöllunum sínum um Jakob Frímann Magnússon annars vegar og „Karlmennskuspjallið“ hins vegar.
Kjarninn 17. janúar 2022
Greiðslubyrðin svipuð og fyrir faraldurinn
Í kjölfar mikilla vaxtalækkana hjá Seðlabankanum lækkuðu afborganir af húsnæðislánum til muna. Þessi lækkun er nú að miklu leyti gengin til baka, þar sem bæði húsnæðisverð og vextir hafa hækkað á undanförnum mánuðum.
Kjarninn 17. janúar 2022
Ármann Kr. Ólafsson hefur verið oddviti Sjálfstæðisflokksins í Kópavogi og bæjarstjóri frá árinu 2012.
Ármann ætlar ekki að gefa kost á sér til endurkjörs í Kópavogi
Ármann Kr. Ólafsson oddviti Sjálfstæðisflokksins og bæjarstjóri í Kópavogi frá árinu 2012 ætlar ekki að sækjast eftir endurkjöri í sveitarstjórnarkosningunum í maí.
Kjarninn 17. janúar 2022
Það að skipa stjórn yfir Landspítala var á meðal mála sem stjórnarflokkarnir náðu saman um í nýjum stjórnarsáttmála.
Sjö manna stjórn yfir Landspítala verði skipuð til tveggja ára í senn
Skipunartími stjórnarmanna í nýrri stjórn Landspítala verður einungis tvö ár, samkvæmt nýjum frumvarpsdrögum. Talið er mikilvægt að hægt verði að skipa ört í stjórnina fólk sem hefur sérþekkingu á þeim verkefnum sem Landspítali tekst á við hverju sinni.
Kjarninn 17. janúar 2022
Meira úr sama flokkiInnlent