Þor­steinn Víglunds­son, fyrr­ver­andi félags- og jafn­rétt­is­mála­ráð­herra og þing­maður Við­reisn­ar, segir að ekki sé unnt að end­ur­vekja traust í mála­flokknum nema birta nið­ur­stöður rann­sóknar á störfum Braga Guð­brands­son­ar, fyrr­ver­andi for­stjóra Barna­vernd­ar­stofu. Þetta kom fram í Silfr­inu í morg­un.

Vel­ferð­ar­ráðu­neytið hefur enn ekki birt opin­ber­lega efn­is­legar nið­ur­stöður úr rann­sóknum á störfum Braga en komið hefur fram í máli Ásmundar Ein­ars Daða­son­ar, ráð­herra mála­flokks­ins, að þeim hafi lokið með þeirri nið­­ur­­stöðu að ekki hafi verið til­­efni til áminn­ingar og að Bragi hafi ekki brotið af sér í starfi.

Þor­steinn segir jafn­framt að það hafi vakið furðu hans að málið skyldi ekki leitt til lykta. Komið hafi upp trún­að­ar­brest­ur, hann rann­sak­aður en nið­ur­stöð­urnar ekki birt­ar. Eðli­legt sé að þingið kalli eftir þessum nið­ur­stöð­um. Hann bendir á að víst verið sé að tefla Braga fram sem fram­bjóð­anda Íslands til Barna­rétt­­ar­­nefndar Sam­ein­uðu þjóð­anna þá sé verið að lýsa því yfir að ekk­ert hafi komið fram í þessum gögn­um, að allt hafi verið í lagi.

Í sam­tali við Stund­ina seg­ist Þor­steinn telja það gríð­ar­lega alvar­legt ef Ásmundur Einar hafi ekki greint nefnd­inni frá mál­inu með réttum hætti og haldið upp­lýs­ingum vís­vit­andi leynd­um. „Sér í lagi í ljósi yfir­lýs­inga sinna í óund­ir­búnum fyr­ir­spurna­tíma tveimur dögum fyrr um að það væri mjög mik­il­vægt að nefndin færi mjög ítar­lega yfir þetta mál. Hann verður að standa skil á því gagn­vart þing­inu hver hin efn­is­lega nið­ur­staða ráðu­neyt­is­ins var og hverju það sætir að hann hafi ekki greint þing­mönnum frá þessu á þessum tíma­punkt­i.“

For­maður vel­ferð­ar­nefndar gagn­rýnir ráð­herra

Hall­­dóra Mog­en­­sen, for­­maður vel­­ferð­­ar­­nefndar Alþingis og þing­­maður Pírata, ­boð­aði fé­lags- og jafn­­rétt­is­­mála­ráð­herra á opinn fund í vel­­ferð­­ar­­nefnd sem hald­inn verður á morg­un, mánu­dag. Í þætt­inum Sprengisandi á Bylgj­unni í morgun gagn­rýnir Hall­dóra ráð­herra fyrir að hafa dregið það langt umfram lög­bund­inn frest, að gefa vel­ferð­ar­nefnd upp­lýs­ingar og nið­ur­stöður ráðu­neyt­is­ins í máli Braga. Þetta áréttar hún í Silfr­in­u. 

„Hall­dóra segir að það sé rangt að ráð­herra hafi haft frum­kvæði að því að veita upp­lýs­ing­arn­ar, þvert á móti hafi þau verið þrjú sem köll­uðu eftir upp­lýs­ing­un­um. Beðið var um öll gögn í máli umkvart­ana barna­vernd­ar­nefnda á höf­uð­borg­ar­svæð­inu vegna Braga, for­stjóra Barna­vernd­ar­stofu, sem er í árs­leyfi. Upp­lýs­ing­arnar hafi aftur á móti komið mán­uði seinna,“ segir í frétt Vísis um mál­ið.