Það er að eiga sér stað „ákveðin bylt­ing“ í flugi sem opnar ný mark­aðs­svæði fyrir lággjalda­flug­fé­lög­um. Með nýjum flug­vélum er hægt að fljúga lengra og ná þannig til nýrra svæði með ódýr­ari hætti en áður. 

Frá þessu er greint í Morg­un­blað­inu í dag, og segir þar að Pri­mera Air, WOW Air og Icelandair gætu verið með allt að 150 breið­þotur í rekstri innan þriggja ár, gangi vaxt­ar­á­form eft­ir. Við það bæt­ast svo meira en tutt­ugu þotur sem eru í rekstri hjá Air Atl­anta og Blu­bebird Car­go, en bæði félög hafa verið að vaxa og ekki útlit fyrir annað en að áfram­hald verði á hon­um. 

Hrafn Þor­geirs­son, for­stjóri Pri­mer­a A­ir, segir tæki­færin mörg. „Það á sér stað á­kveðin bylt­ing. Nýju þot­urnar ger­a lággjalda­flug­fé­lög­unum mögu­legt að fara inn á þessar lengri leiðir sem hafa ekki verið hag­kvæmar hing­að til,“ segir Hrafn og vísar m.a. til flug­s frá Aust­ur-­Evr­ópu til Asíu.

Skúli Mog­en­sen, for­stjóri og eig­andi WOW Air, segir í sam­tali við Morg­un­blaðið að hann sjái vel fyrir sér, að floti félags­ins verði tvö­fald­aður á næstu þremur árum. 

Flot­inn er nú um 90 þotur en gæti auk­ist um allt að 60 þot­ur, gangi vaxt­ar­á­form eft­ir. 

Mikil tæki­færi geta falist í þessu fyrir ferða­þjón­ust­una, þar sem gestir gætu heim­sótt Ísland frá nýjum mark­aðs­svæð­um, ekki síst í Asíu.