Ásmundur gerði „reply all“

Halldóra Mogensen segir Ásmund Friðriksson sjálfan hafa gert mistök sem leiddu til þess að tölvupóstur hans hefði birst í fjölmiðli. Ásmundur hafði ásakað Pírata um að „mígleka“ upplýsingum í Stundina og krafist afsagnar Halldóru.

Ritstjórn Kjarnans 1. maí 2018

Halldóra Mogensen, formaður velferðarnefndar og þingmaður Pírata, segir Ásmund Friðriksson, þingmann Sjálfstæðisflokks, sjálfan bera ábyrgð á því að svar hans við boðun á fund velferðarnefndar í gær hafi ratað til fjölmiðla.

Í samtali við mbl.is segir Halldóra að Ásmundur hafi gert „reply all“ og þannig svarað öllum sem fengu umræddan póst, en ekki bara henni sem sendi hann upprunalega. Við það sendist svar Ásmundar á alla meðlimi velferðarnefndar, forseta þingsins, ráðherra og þingflokk Pírata. „Þetta voru mistök af hans hálfu. Það átti ekki að vera neinn trúnaður um þessa tilkynningu. Ég get ekki verið ábyrg fyrir því ef hann skoðar ekki hvert pósturinn er að fara,“ segir Halldóra við mbl.is.

Ásmundur svaraði boðinu á fundinn með eftirfarandi hætti: „Sæl. Ég verð ekki á þessum fundi og ég les ekki Stundina, en er það fjölmiðill sem fólk tekur mark á aðrir en Píratar. Bkv Ási Friðriks.“ Skömmu síðar birtist frétt á Stundinni um svar Ásmundar.

Hann brást við þessu í gærkvöldi með því að skrifa á Facebook-síðu sína að Halldóra væri rúin trausti og ætti að segja af sér. Þar sagðist Ásmundur ekki hafa gert sér grein „fyrir því að formaður velferðarnefndar, Halldóra Mogensen hafði bætt þingflokki Pírata inn í tölvupóstsendingar sem eingöngu áttu að berast nefndinni. Það er auðvitað grafalvarlegt mál að formaðurinn sé að blanda þingflokki Pírata inn í tölvupóstsendingar nefndarinnar sem míglekur upplýsingum úr þinginu til Stundarinnar eins og nú hefur sannast.“

Halldóra Mogensen.

Ásmundur taldi málið sanna að Píratar væru í beinu sambandi við Stundina og gengu erindi miðilsins á Alþingi og fyrir vini og vandamenn. „Í þeirri orrahríð sem gengur yfir félagsmálaráðherra og Braga Guðbrandsson má vart á milli sjá hvor er fljótari með fréttirnar, þingmenn Pírata eða Stundin og samstarfið minnir á þá félaga Baldur og Konna sem töluðu einum rómi búktalarans. Nú er verið að óska eftir sérstökum fundi í velferðarnefnd, bundnum trúnaði um málefni sem ræða á við Braga Guðbrandsson. Barnaverndarmál njóta mestan trúnaðar og það er því óðs manns æði að ætla sér að ræða trúnaðarmál í velferðarnefnd á meðan ekki er hægt að halda trúnað á tölvupósti milli nefndarmanna án þess að hann birtist í Stundinni. Formaður nefndarinnar er rúin trausti og ætti að segja af sér.“

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 457 Færslan var síðast uppfærð: 1. maí 2018, kl. 14:14
Færslan birtist fyrst: 1. maí 2018, kl. 14:13