Við­skipta­fræði­nám með vinnu verður aflagt í haust vegna fjár­skorts, og hefur nem­endum verið til­kynnt um þetta. 

Einn þeirra nem­enda sem hefur sótt nám í gegnum þess náms­leið, og líkað vel, gagn­rýnir í sam­tali við Kjarn­ann, hversu lít­ill fyr­ir­vari er gef­inn á þess­ari breyt­ingu. Betra hefði verið að gefa árs­fyr­ir­vara eða meira, til að koma til móts við nem­ene­d­ur.

Í orð­send­ingu frá náms­leið­inni til nem­enda, segir að erfið fjár­hags­staða náms­ins hafi gert þetta nauð­syn­legt. „Við verðum því miður að til­kynna ykkur að stjórn VMV (við­skipta­fræði með vinnu) hefur ákveðið að fara ekki af stað með­ ­námið haustið 2018 vegna erf­iðrar fjár­hags­stöðu náms­ins. Það er miður að geta ekki boðið upp á VMV nám áfram. Við vitum að þessi ákvörðun kemur sér illa fyrir þá sem hafa gert ráð­staf­anir um að stunda áfram námið og viljum því benda á nokkra val­mögu­leika, við­skipta­fræði­deild Háskóla Íslands (hefð­bundið stað­ar­nám), fjar­nám við Háskól­ann á Akur­eyri (um­sókn­ar­frestur til 5. júní) og fjar­nám við Háskól­ann á Bif­röst (um­sókn­ar­frestur til 15. jún­í),“ segir í tölvu­póst­in­um.