Trump dregur Bandaríkin út úr Íran-samkomulaginu

Donald Trump sagði fyrir stundu að fjölþjóðlegt kjarnorkusamkomulag við Íran, frá 2015, hafi verið stór mistök. Hann kallaði Íran ógnarstjórn.

h_53647472.jpg Donald Trump forseti bandaríkin
Auglýsing

Don­ald Trump Banda­­ríkja­­for­­seti til­­kynnti fyr­ir stundu að hann ætli að draga Banda­­rík­­in úr kjarn­orku­sam­komu­lag­inu við Írani. Hann sagði sam­komu­lag­ið, sem var gert árið 2015 í tíð Barack Obama, hafa verið stór mis­tök sem hefðu gert Íran mögu­legt að styrkja hryðju­verka­starf­semi og vinna áfram leyni­lega að upp­bygg­ingu kjarn­orku­vopna. 

Hann vitn­aði til gagna frá Ísra­els­stjórn sem sýndu með óyggj­andi hætti að Íran væri að brjóta gegn sam­komu­lag­inu.

Auglýsing


Sam­komu­lagið er frá árinu 2015 en Banda­rík­in, Frakk­land, Bret­land, Rúss­land, Kína, Þýska­land og Evr­ópu­sam­bandið stóðu að sam­komu­lag­inu við Íran, sem þving­aði Íran­stjórn til að tak­marka kjarn­orku­vopna­fram­leiðslu sína, og þá voru efna­hags­þving­anir gagn­vart Íran felldar nið­ur. 



Þetta opn­aði meðal ann­ars á mögu­leik­ann á því fyrir Íran að selja olíu á heims­mark­aði, en alþjóð­legar efna­hags­þving­anir höfðu gert það að verk­um, að þau við­skipti voru land­inu erf­ið.

Trump sagði að það væri hans mark­mið, að færa Íran aftur í hendur fólks­ins í land­inu. Það ætti að ráða ferð­inni, en ekki ógn­ar­stjórnin sem hefði haldið um valda­þræð­ina alltof leng­i. 

Trump sagð­ist enn fremur ætla að boða harðar efna­hags­legar þving­anir gagn­vart Íran, og þær yrðu „þær hörðustu, nokkru sinn­i“.

Meira úr sama flokkiErlent