Hlutafé Torg ehf., útgef­anda Frétta­blaðs­ins, var aukið af 365 miðlum um 149,5 millj­ónir króna í lok síð­asta árs. Við­skipta­blaðið greinir frá.

365 miðlar færðu rekstur Frétta­blaðs­ins yfir í Torg, eftir kaup Voda­fo­ne, nú Sýn­ar, á öðrum fjöl­miðlum 365 miðla í des­em­ber. Greitt var fyrir aukið hluta­féð með þeim eignum sem 365 miðlar lögðu í Torg sam­kvæmt gögnum sem fyr­ir­tækið sendi inn til fyr­ir­tækja­skrár.

Þar kemur fram að yfir­færsla verð­mæta 365 miðla til Torgs bygg­ist á bók­færðu verði í reikn­ings­skilum 365 miðla en fram­kvæmd hafi verið sér­stök yfir­ferð á eign­unum með til­liti til virð­is­rýrn­un­ar. Þá stað­festu stjórn­ar­menn og lög­giltur end­ur­skoð­andi að þær eignir sem færðar hafi verið yfir í Torg væru að minnsta kosti 149,5 millj­óna króna virði.

Ekki liggur fyrir hvert bók­fært virði eign­anna er en 365 miðlar hafa ekki skilað árs­reikn­ingum fyrir árin 2016 og 2017.

Til­kynnt var um það í mars 2017 að Fjar­skipti, móð­ur­fé­lag Voda­fone á Íslandi, hefði und­ir­­ritað samn­ing um kaup á öllum eignum og rekstri 365 miðla, að und­an­­skildum eignum er varða útgáfu Frétta­­blaðs­ins. Þeir miðlar sem seldir voru yfir frá 365 miðlum voru Stöð 2 og tengdar sjón­­­­varps­­­­stöðv­­­­­­­ar, útvarps­­­­­­­rekstur fyr­ir­tæk­is­ins (t.d. Bylgj­an, X-ið og FM957) og frétta­vef­­­­ur­inn Vís­ir.­is. Frétta­­­­stofa 365 fylgdi með í kaup­un­um, en hún er ein stærsta frétta­­­­stofa lands­ins og sú eina sem heldur úti dag­­­­legum sjón­­­­varps­frétta­­­­tíma utan frétta­­­­stofu RÚV.

Sam­keppn­is­eft­ir­litið sam­­þykkti sam­runa Fjar­­skipta og flestra miðla 365 með skil­yrðum í byrjun októ­ber síð­­ast­lið­ins. Keyptu eign­irnar fær­ð­ust yfir til Fjar­­skipta 1. des­em­ber 2017.