Sjálf­stæð­is­flokk­ur­inn nýt­ur langtum meira fylgis í Graf­ar­vog­i, Graf­ar­holti, Úlf­arsár­dal og á Kjal­ar­nes­i en aðrir flokk­ar. 

Þar ætla um 40% íbúa að kjósa flokk­inn en með­al­fylgi hans í borg­inni er 26,3%. 

Frá þessu er greint í Morg­un­blað­inu í dag, en nið­ur­stöð­urnar byggja á könnun Félags­vís­inda­stofn­unar fyrir Morg­un­blað­ið, sem fjallað var um í blað­inu í gær. 

Fylgi Sam­fylk­ing­ar­innar er lang­mest í Miðbæ og Vest­ur­bæ, eða 39 pró­sent. ­Með­al­fylgi flokks­ins í borg­inni er 31,8 sam­kvæmt könnun Félags­vís­inda­stofn­un­ar. 

Ljóst er að mikil spenna er fyrir kosn­ing­arnar á laug­ar­dag í borg­inn­i. 

Kjarn­inn og Dr. Baldur Héð­ins­son fram­kvæma kosn­inga­spá í aðdrag­anda hverra kosn­inga. Það hefur verið gert frá því í borg­ar­stjórn­ar­kosn­ing­unum fyrir fjórum árum. 

Frá sumr­inu 2016 hefur spáin verið keyrð fyrir for­seta­kosn­ing­arnar 2016, þing­kosn­ingar 2016 og 2017 og nú kom­andi borg­ar­stjórn­ar­kosn­ing­ar. Líkt og greint var frá fyrr í dag þá benda mæl­ingar hennar til þess að meiri­hlut­inn í borg­inni haldi.

Sam­hliða er keyrð sæta­spá. Hún er fram­kvæmd þannig að keyrðar eru 100 þús­und sýnd­ar­kosn­ingar miðað við fylgi flokka í kosn­inga­spánni sem birt var 23. maí. Í hverri þeirra er úthlutað 23 borg­ar­full­trúum og þar sem sýnd­ar­kosn­ing­arnar eru allar með inn­byggða óvissu þá getur fylgið í hverri ein­stakri sýnd­ar­kosn­ingu stundum hærra og stundum lægra, þótt með­al­tal kosn­ing­anna allra sé það sama og kom fram í kosn­inga­spánni. Í gær birtum við hverjar væru lík­ur hvers og eins fram­bjóð­anda í efstu sætum þeirra lista sem mæl­ast lík­legir til að ná inn manni í borg­ar­stjórn eru.