Útlendingastofnun hefur ekki gefið út ársskýrslur frá árinu 2014

Útlendingastofnun hefur ekki gefið út ársskýrslur frá árinu 2014 vegna mikilla anna sem stöfuðu af fjölgun umsókna um alþjóðlega vernd.

Kúrdískt flóttafólk í Frakklandi.
Kúrdískt flóttafólk í Frakklandi.
Auglýsing

Útlend­inga­stofnun hefur ekki gefið út árs­skýrslur frá árinu 2014 vegna mik­illa anna sem stöf­uðu af for­dæma­lausri fjölgun umsókna um alþjóð­lega vernd.

Þetta kemur fram í svari dóms­mála­ráð­herra við fyr­ir­spurn frá Helga Hrafni Gunn­ars­syni um árs­skýrslur Útlend­inga­stofn­un­ar.

Árs­skýrslur vegna áranna 2015, 2016 og 2017 eru hins vegar í vinnslu, kemur fram í svar­inu. „Árs­skýrsla vegna 2017 liggur nú fyrir í drögum og mun koma út innan skamms. Þær tvær sem eftir eru munu síðan fylgja í kjöl­far­ið. Útlend­inga­stofnun hefur lagt áherslu á að bæta mjög töl­fræði­legar upp­lýs­ingar vegna umsókna um alþjóð­lega vernd á heima­síðu sinni, www.ut­l.­is. Þar er aðgengi­leg töl­fræði sem verður einnig að finna í árs­skýrsl­un­um. Sú töl­fræði sem mun bæt­ast við er m.a. varð­andi dval­ar­leyfi en þeim hefur fjölgað mjög und­an­farin ár.“

Auglýsing

Flótta­mönnum fækkar á Íslandi

Flótta­­mönnum sem sóttu um hæli á Íslandi fækk­­aði á milli áranna 2016 og 2017 og fjöldi þeirra sem voru í þjón­­ustu Útlend­inga­­stofn­unar eða sveit­­ar­­fé­laga dróst saman um þriðj­ung. Þá hafa færri flótta­­menn sótt um hæli hér á landi það sem af er ári en gerðu það á sama tíma­bili í fyrra. 

Alls sóttu 181 flótta­­menn um alþjóð­­lega vernd á fyrstu fjórum mán­uðum árs­ins 2018. Flestir þeirra, eða 34 tals­ins, komu frá Írak. 

Sá fjöldi sem sótt­­ist eftir alþjóð­­legri vernd á Íslandi á fyrstu fjórum mán­uðum árs­ins er mun fámenn­­ari sá sem sótti um slíka hér­­­lendis á fyrstu fjórum mán­uðum árs­ins 2017. Þá sóttu sam­tals 290 manns um hæli.

Á öllu síð­­asta ári sóttu 1.096 manns um hæli á Íslandi. Það eru færri en sóttu um hæli á Íslandi á árinu 2016. Þá fengu alls 135 alþjóð­­lega vernd og leyfi til að dvelja hér áfram, en árið 2017 voru alls 1.293 umsóknir um slíkt afgreidd­­ar. Því fékk einn af hverjum tíu hæl­­is­­leit­endum sem fékk nið­­ur­­stöðu í hæli á Íslandi. 38 þeirra komu frá Írak, 26 frá Afganistan og 21 frá Sýr­landi. Sam­tals voru 85 þeirra sem fengu hæli hér­­­lendis frá þessum þremur lönd­um, eða tæp­­lega tveir af hverjum þremur sem fengu slíkt.

Þeim hæl­­­is­­­leit­endum sem voru í þjón­­­ustu sveit­­­ar­­­fé­laga eða Útlend­inga­­­stofn­unar fækk­­aði mikið í fyrra. Þeir voru 820 í byrjun des­em­ber 2016 en 559 í byrjun sama mán­aðar 2017. Það þýðir að hæl­­­is­­­leit­endum sem voru á for­ræði ríkis eða sveit­­­ar­­­fé­laga fækk­­aði um tæpan þriðj­ung á einu ári. Þeir sem hafa sótt um hæli og bíða eftir að mál þeirra fái afgreiðslu fá fram­­­­færslu­eyri. Hann er átta þús­und krónur fyrir ein­stak­l­ing á viku en 23 þús­und krónur hjá fjög­­­­urra manna fjöl­­­­skyldu. Auk þess fær hver full­orð­inn hæl­­­­is­­­­leit­andi 2.700 krónur í vasa­pen­ing á viku og for­eldrar fá við­­­­bótar þús­und­ krónur fyrir hvert barn.

2,7 millj­­­arðar til hæl­­­is­­­mála í ár 

Fjöldi hæl­­­is­­­leit­enda hér­­­­­lendis jókst mikið á árinu 2016. Þá var fjöldi þeirra sem komu hingað 1.130. Það þýðir að 34 fleiri flótta­­menn sóttu um hæli á Íslandi á árinu 2016 en í fyrra.

Í upp­­­­­gjöri rík­­­is­­­sjóðs vegna fyrstu sex mán­aða árs­ins 2017 kom fram að hrein útgjöld vegna rétt­inda ein­stak­l­inga hafi verið 2,2 millj­­­­­­arðar króna sem var 1.251 millj­­­­­­ónum meira en áætlað var. Þar sagði: „Í fjár­­­­­­heim­ildum vegna árs­ins 2017 voru veru­­­­­­lega van­á­ætl­­­­­­aðar í fjár­­­­­­laga­­­­­­gerð fyrir árið 2017 í ljósi for­­­­­­dæma­­­­­­lausrar fjölg­unar hæl­­­­­­is­um­­­­­­sókna á síð­­­­­­­­­­­ustu mán­uðum árs­ins 2016. Kostn­aður vegna þess­­­­­­ara umsókna hefur að mestu leyti fallið til á yfir­­­­­­stand­andi ári.“ Hluti þess við­­­bót­­­ar­­­kostn­aðar var því vegna kostn­aðar sem féll til á árinu 2016 en hafði ekki verið gert ráð fyrir í fjár­­­lög­­­um.

Ásmundur Frið­­­riks­­­son, þing­­­maður Sjálf­­­stæð­is­­­flokks­ins, skrif­aði grein í Morg­un­­­blaðið í októ­ber 2017 þar sem hann sagði að kostn­aður vegna hæl­­­is­­­leit­enda hér­­­­­lendis gæti farið í sex millj­­­arða króna á ári og jafn­­­vel í 220 millj­­­arða króna á ári miðað við sviðs­­­myndir sem settar hefðu verið fram.

Sam­­­kvæmt fjár­­­heim­ild til útlend­inga­­­mála í fjár­­­laga­frum­varpi árs­ins 2018 er reiknað með að heild­­­ar­fram­lög til hæl­­­is­­­mála verði um 2,7 millj­­­arðar króna í ár, sem er helm­ingi lægri upp­­­hæð en lægri mörk þess bils sem Ásmundur nefndi í grein sinni.

Tillagan um breytingu á skilyrðum fyrir stjórn FME kemur frá fjármálaráðuneytinu
Starfshópur fjallaði um hæfisskilyrði þeirra sem geta tekið sæti í stjórn Fjármálaeftirlitsins.
Kjarninn 20. nóvember 2018
Trump styður Sádi-Arabíu og olían hríðfellur
Eftir að Donald Trump lýsti yfir stuðningi við Sádí-Arabíu vegna morðsins á Jamal Khashoggi hrundi verðið á hráolíu.
Kjarninn 20. nóvember 2018
Raunverð fasteigna hækkað um 1,3 prósent undanfarið ár
Að teknu tilliti til verðbólgu hefur fasteignaverð lítið sem ekkert hækkað í eitt ár.
Kjarninn 20. nóvember 2018
Til lítils að fjölga leikskólarýmum ef leikskólarnir standa ómannaðir
Sjálfstæðismenn telja áætlanir meirihlutans í borginni ekki ganga upp.
Kjarninn 20. nóvember 2018
Baldur Blöndal
Gleymdur tími
Kjarninn 20. nóvember 2018
Bláa lónið
Grímur kaupir hlut Horns II í Bláa lóninu
Breyting hefur orðið á eignarhaldi í Bláa Lóninu en samningur hefur verið gerður um kaup Kólfs ehf., eignarhaldsfélags í meirihlutaeigu Gríms Sæmundsen, á hlut Horns II í Hvatningu hf. en Hvatning heldur á um 40% hlut í Bláa Lóninu hf..
Kjarninn 20. nóvember 2018
Heimavellir voru skráðir á markað fyrr á þessu ári.
Heimavellir ákveða að selja fleiri fasteignir
Í skráningarlýsingu Heimavalla frá því í vor kom fram að félagið ætlaði að selja fasteignir fyrir tíu milljarða fyrir árslok 2020. Nú hefur það ákveðið að selja eignir fyrir 17 milljarða á tímabilinu.
Kjarninn 20. nóvember 2018
Vandræði á Facebook
Gengið hefur brösulega fyrir notendur samfélagsmiðilsins Facebook að skoða efni á síðunni síðan í hádeginu í dag.
Kjarninn 20. nóvember 2018
Meira úr sama flokkiInnlent