Segir þingmenn ekki geta farið í sumarfrí

Þingmaður Samfylkingarinnar segir frumvarp um nýja persónuverndarlöggjöf svo umfangsmikla að það sé fúsk að ætla að afgreiða frumvarpið á hundavað. Slíkt sé fullkomlega óábyrgt.

Helga Vala
Auglýsing

Frum­varpi um per­sónu­vernd og vernd per­sónu­upp­lýs­inga, sem beðið hefur verið eftir með nokk­urri eft­ir­vænt­ingu, var útbýtt seinni part­inn í gær á vef Alþing­is.

­Með frum­varp­inu er vernd per­sónu­upp­lýs­inga koll­varp­að.  Um er að ræða umfangs­­mestu breyt­ingar sem gerðar hafa verið á per­­són­u­vernd­­ar­lög­­gjöf­inni í tvo ára­tugi sem stað­­festa að sá grund­vall­­ar­­réttur sem felst í vernd per­­són­u­­upp­­lýs­inga ein­stak­l­inga verði tryggður fyrir alla. Regl­­urnar munu einnig efla hinn staf­ræna innri markað Evr­­ópu með því að tryggja öryggi í þjón­­ustu sem veitt er yfir netið og veita fyr­ir­tækjum rétt­­ar­vissu sem bygg­ist á skýrum og sam­ræmdum regl­­um.

Frum­varpið byggir á nýrri per­sónu­vernd­ar­reglu­gerð sem tók gildi í Evr­ópu í síð­ustu viku. Til stóð að setja lög í íslenskan rétt áður en að reglu­gerðin tæki gildi en það náð­ist ekki.

Auglýsing

En nú er frum­varpið fram kom­ið, heildar 147 blað­síður að lengd og aðeins fimm þing­fund­ar­dagar eftir með deg­inum í dag. Fyrsta umræða um frum­varpið er fyr­ir­huguð á þing­fundi í dag, verði það leyft í ljósi þess að það er of seint fram kom­ið.

Helga Vala Helga­dótt­ir, þing­maður Sam­fylk­ing­ar­innar og lög­fræð­ing­ur, seg­ist í sam­tali við Kjarn­ann telja að umfang og afleið­ingar þess­arar laga­setn­ingar sé með þeim hætti að þing­inu sé varla stætt á því að taka sér sum­ar­frí.

„Ég fagna því auð­vitað að þetta frum­varp sé fram kom­ið. Ég vildi líka að við gætum fryst tím­ann. En það er glóru­laust að leggja fram við­líka lög á þessum tíma­punkti og full­kom­lega óábyrg­t,“ segir Helga Vala.

Hún segir um að ræða svo víð­tæk lög, sem varði grund­vall­ar­rétt ein­stak­linga, almenn­ings á per­sónu­vernd og með­ferð per­sónu­upp­lýs­inga í gengum allt kerf­ið. „Það er verið að gjör­breyta öllu kerf­inu hjá opin­berum stofn­unum og fyr­ir­tækj­um, að við­lagðri refsi­á­byrgð. Það er gerð ákveðin krafa um skýr­leika laga sem mér sýn­ist þetta frum­varp til dæmis ekki upp­fylla.“

Helga Vala seg­ist ekki sjá hvernig þingið eigi að ná að klára að afgreiða lögin „nema við bara sleppum því alveg að fara í sum­ar­frí og það er þá bara fínt. Þá þarf bara að ákveða það núna og vera ekki með þessa blekk­ingu.  Ég ætla ekki að vera að stuðla að svona hráka­smíð og hleypa svona hráka­smíð í gengum þing­ið.“

Hún segir að Björg Thoraren­sen, pró­fessor í lög­fræði við Háskóla Íslands og stjórn­ar­for­maður Per­sónu­vernd­ar, hafi talað um að það þurfi að minnsta kosti að fjór­falda starfs­manna­fjöld­ann hjá Per­sónu­vernd til að halda utan um allt það sem breyt­ist með gild­is­töku lag­anna, eft­ir­lit og ann­að.

Meðal þess sem kveðið er á um í frum­varp­inu er heim­ild Per­sónu­verndar til að leggja dag­sektir allt að 200 þús­und krón­ur, sem og stjórn­valds­sektir á ábyrgð­ar- eða vinnslu­að­ila frá 100 þús­und krónum upp í 2,4 millj­arða eða allt að 4 pró­sentum af árlegri heild­ar­veltu fyr­ir­tæk­is­ins á heims­vísu ef brotið er gegn ákveðnum ákvæðum lag­anna.

„Ætlar þingið í alvöru að afgreiða svona refsi­heim­ildir á korteri núna fyrir þing­lok,“ spyr Helga Vala. Hún segir raun­veru­lega ástæðu fyrir því að reglur þings­ins kveði á um að mál eigi að ber­ast fyrir 1. apr­íl. Það sé gert til að tryggja að ekki sé farið með lög í gegn á hunda­vaði. Afbrigði séu veit til að leyfa minni­háttar breyt­ing­ar. „Þetta eru ekki ein­hverjar ein­faldar laga­breyt­ing­ar. Þetta eru grund­vall­ar­breyt­ingar á öllu kerf­in­u.“

Helga Vala spyr um ábyrgð þing­manna. „Ætla þing­menn í alvöru að bera ábyrgð á svona fúski? Ætla þing­menn í alvöru að bera ábyrgð á því að leggja 2,4 millj­arða króna sektir á lög­að­ila með svona vinnu­brögð­u­m?“

Basil hassan
Dani undirbjó mörg hryðjuverk
Tilviljun réði því að hryðjuverk, sem Dani að nafni Basil Hassan undirbjó, mistókst. Ætlunin var að granda farþegaþotu. Basil Hassan hafði, ásamt samverkamönnum sínum, mörg slík hryðjuverk í hyggju.
Kjarninn 21. apríl 2019
Flóttafólk mótmælti 13. febrúar síðastliðinn.
Skert aðgengi fyrir flóttafólk að íslensku menntakerfi
Af 82 flóttamönnum sem tóku þátt í þarfagreiningu Rauða krossins í Reykjavík eru einungis 5% í námi, en 43% eiga í erfiðleikum með að komast í nám.
Kjarninn 20. apríl 2019
Guðni Karl Harðarson
Í krafti fjöldans
Kjarninn 20. apríl 2019
Skoða skattalegt umhverfi þriðja geirans
Starfshópur á að skoða hvort að skattalegar ívilnanir geti hvatt einstaklinga og fyrirtæki til að styrkja félög sem falla undir þriðja geirann. Dæmi um félög sem gætu notið góðs af mögulegum breytingum eru björgunarsveitir, íþróttafélög og mannúðarsamtök.
Kjarninn 20. apríl 2019
Það helsta hingað til: WOW air fer á hausinn með látum
Kjarninn tók saman helstu fréttamál íslensks samfélags á fyrstu mánuðum ársins 2019. Ein stærsta frétt ársins hingað til er án efa gjaldþrot WOW air eftir langvinnt dauðastríð sem fór fram fyrir opnum tjöldum.
Kjarninn 20. apríl 2019
Koma svo!
Koma svo!
Koma svo - Salt og ... paprika
Kjarninn 20. apríl 2019
Advania
Ríkið greiddi Advania rúman milljarð vegna tölvukerfa í fyrra
Upplýsingatæknifyrirtækið Advania fékk greiddan rúman milljarð fyrir rekstur og hýsingu tölvukerfa ríkisins árið 2018. Þar af greiddi ríkið 635 milljónir vegna tölvukerfisins Orra.
Kjarninn 20. apríl 2019
Búinn að bíða lengi eftir aðgerðum
Mikil vakning hefur orðið meðal landans á síðustu misserum varðandi umhverfismál og má með sanni segja að sjaldan hafi starf umhverfis- og auðlindaráðherra verið eins mikilvægt.
Kjarninn 20. apríl 2019
Meira úr sama flokkiInnlent