Ólafur Þ. Harð­ar­son pró­fessor í stjórn­mála­fræði hefur greint þá stöðu sem honum finnst lík­leg­ust í meiri­hluta­myndun í Reykja­vík. Í stöðu­upp­færslu á Face­book segir Ólafur að hann telji lík­egra að Við­reisn fari með Sam­fylk­ingu, Vinstri grænum og Pírötum en Sjálf­stæð­is­flokki, Mið­flokki og Flokki fólks­ins.

Í fyrsta lagi að Við­reisn sé nær þeim fyrr­nefndu í skipu­lags­mál­um. Sjálf­sagt nær Sjálf­stæð­is­flokki um mark­aðs­lausnir, en skipu­lags­málin hafi verið fyr­ir­ferð­ar­meiri í kosn­inga­bar­átt­unni.

Þá nefnir Ólafur að sam­kvæmt Gallup kom 51 pró­sent af fylgi Við­reisnar núna frá Bjartri fram­tíð og Sam­fylk­ingu 2014 (27% frá BF og 24% frá S). Um 17 pró­sent komu frá Sjálf­stæð­is­flokki, 7 pró­sent frá Vinstri græn­um, 5 pró­sent frá Píröt­um, 4 pró­sent frá Fram­sókn og 15 pró­sent frá þeim sem kusu ekki árið 2014. „Þessi hegðun kjós­enda er á skjön við þá mynd að Við­reisn sé bara klofn­ingur úr D. 63% kjós­enda Við­reisnar komu frá þeim sem kusu frá­far­andi meiri­hluta 2014,“ skrifar Ólaf­ur.

Í þriðja lagi segir hann kjós­enda­prófíla Við­reisnar í Reykja­vík, til dæmis ald­ur, skóla­göngu og búsetu í hverf­um, miklu lík­ari prófílum Sam­fylk­ingar og Pírata en Sjálf­stæð­is­flokks­ins, Mið­flokks­ins og Flokks fólks­ins.

Ólafur nefnir einnig að margir for­ystu­menn Við­reisnar séu vissu­lega „flótta­menn“ úr Sjálf­stæð­is­flokki. „En reynslan sýnir að oft er lít­ill kær­leikur milli fyrrum flokks­fé­laga þegar leiðir hafa skil­ið. Td. verður fróð­legt að sjá hvað ger­ist í Vest­manna­eyj­u­m.“

Síð­ast segir Ólafur borg­ar­stjóra­stól­inn vera samn­ings­at­riði. Hann heldur að bæði Dagur og Eyþór vildu frekar vera í meiri­hluta en minni­hluta, jafn­vel þó þeir fengju ekki þann stól. Dagur hafi verið for­maður borg­ar­ráðs 2010 til 2014, en Jón Gnarr borg­ar­stjóri. Besti flokk­ur­inn hafi reyndar verið stærri en Sam­fylk­ing.

„En allt er sosum opið og afar áhuga­vert að sjá hvernig kap­all­inn spilast,“ segir Ólafur að lok­um.