Verið að máta saman nýjan meirihluta

Meirihlutasamstarf Viðreisnar við sitjandi meirihluta í Reykjavík er í skoðun. Viðreisn mun fara fram á aðra áferð en hefur verið og leggja m.a. áherslu á málefni atvinnulífsins og menntamál. Vilji er til að mynda nýjan meirihluta sem fyrst.

viðreisnarmeirihluti
Auglýsing

Byrjað er að máta saman hvernig meiri­hluta­sam­starf Við­reisnar og þeirra þriggja flokka sem voru í frá­far­andi meiri­hluta í Reykja­vík gæti litið út. Við­mæl­endur Kjarn­ans segja að óform­legir fundir hafi átt sér stað milli lyk­il­manna í Sam­fylk­ingu og Við­reisn­ar.

Stefnt sé að því að Dagur B. Egg­erts­son og Þór­dís Lóa Þór­halls­dótt­ir, odd­vitar flokk­anna í Reykja­vík, eigi sam­tal í dag. Odd­vitar Sam­fylk­ing­ar, Píratar og Vinstri grænna í Reykja­vík hitt­ust í gær til að leggja línur fyrir kom­andi við­ræð­ur.

Á­hrifa­fólk í Sjálf­stæð­is­flokknum hefur einnig verið dug­legt að hafa sam­band við fólk innan Við­reisnar til að reyna að ýta athygli flokks­ins frekar að sér. Í þeim óform­legu sam­tölum hefur verið lögð áhersla á að finna lausnir á mála­flokkum þar sem stefnur flokk­anna eru nán­ast á önd­verðu meiði svo hægt sé að ná saman um nýjan meiri­hluta.

Opin­berar yfir­lýs­ingar Við­reisnar eru þær að flokk­ur­inn sé opinn fyrir því að vinna með öll­um. Mál­efna­lega er þó ljóst að mun ein­fald­ara verður fyrir flokk­inn að fara í sam­starf með frá­far­andi meiri­hluta en Sjálf­stæð­is­flokkn­um, Mið­flokki og Flokki fólks­ins sem töl­uðu t.d. gegn borg­arl­inu og yfir­stand­andi aðferð­ar­fræði við þétt­ingu byggðar í kosn­ing­un­um.

Ólíkar stefnur

Í stefnu­skrá Mið­flokks­ins stendur að marg­falda eigi hús­næði í úthverf­un­um, standa vörð um Reykja­vík­ur­flug­völl í Vatns­mýr­inni og bæta gatna­kerfið til að stytta ferða­tíma.

Flokkur fólks­ins vildi greiða götu einka­bíls­ins, fjölga mis­lægum gatna­mótum og halda flug­vell­inum á sama stað.

Auglýsing
Fyrir liggur að stefna Við­reisnar í skipu­lags-, hús­næð­is- og sam­göngu­mál­um, og gild­andi aðal­skipu­lag, rímar illa við slíkt, en betur við áherslur frá­far­andi meiri­hluta. Flokk­ur­inn vill borg­ar­línu og ann­ars konar hágæða almenn­ings­sam­göng­ur. Hann vill vinna áfram með þétt­ingu byggðar og setja nýjar stofn­vega­fram­kvæmdir í stokk. Þá vill Við­reisn hvetja til orku­skipta í bíla­flot­anum með ýmsum hvata­að­gerð­um, fjölga hjóla­stíg­um, stækka gjald­skyld bíla­stæða­svæði, studdu leng­ingu gjald­skyldu­tíma og afnám á hámarki á fjölda leigu­bíla. Allt ofan­greint eru mál sem Sam­fylk­ing, Píratar og Vinstri græn myndu styðja og ríma við þeirra áhersl­ur.

Þegar kemur að veru flug­vall­ar­ins í Vatns­mýri, er afstaða Við­reisnar skýr: „Finna þarf inn­an­lands­flugi nýja stað­setn­ingu í grennd við höf­uð­borg­ina, með þæg­indi og öryggi allra lands­manna að leið­ar­ljósi. Flug­völl­ur­inn verður áfram í Vatns­mýri þangað til að sú stað­setn­ing liggur fyr­ir. Við­reisn telur að nýr flug­völlur í Hvassa­hrauni sé lausn sem skoða þurfi til hlít­ar.“

Hvassa­hrauns­mögu­leik­inn er afrakstur vinnu Rögnu­nefnd­ar­innar svoköll­uðu. Í henni sátu meðal ann­ars Þor­gerður Katrín Gunn­ars­dótt­ir, for­maður Við­reisn­ar, og Dagur B. Egg­erts­son, odd­viti Sam­fylk­ing­ar­innar í Reykja­vík.

Við­reisn vill aðra áferð

Það er þó ljóst að Við­reisn mun vilja aðra áferð á nýtt meiri­hluta­sam­starf, verði af því. Þar er ekki vilji til þess að inn­koma Við­reisnar í sam­starfið verði eins og að nýtt hjól sé sett undir gamlan vagn til að hann geti rúllað áfram.

Eitt sem verður þar til umræðu er hvort að leita eigi að utan­að­kom­andi aðila til að taka að sér borg­ar­stjóra­stól­inn.

Þá mun Við­reisn fara fram á aukna áherslu á raf­ræna stjórn­sýslu, gagn­sætt og opið bók­hald og inn­leið­ingu jafn­launa­stað­als. En stóra málið verður þjón­usta við fyr­ir­tæki. Við­reisn lagði mikla áherslu á það í kosn­ing­unum að end­ur­skoða og ein­falda þjón­ustu við atvinnu­líf­ið, að við end­ur­skipu­lagn­ingu ráða borg­ar­innar verði til eitt ráð sem horfi sér­stak­lega til atvinnu­mála og að sam­keppn­is­staða Reykja­víkur til að laða að sér fyr­ir­tæki verði bætt með því að lækka fast­eigna­skatta á atvinnu­hús­næði á síð­ari hluta kom­andi kjör­tíma­bils.

Við­reisn vill líka að Reykja­vík keppi að því að alþjóð­leg fyr­ir­tæki hafi starfs­stöðvar sínar í borg­inni.

Mennta­mál líka mik­il­væg

Auk þess er vilji til þess að mennta­mál verði í önd­vegi hjá nýjum meiri­hluta. Í stefnu­skrá Við­reisnar var meðal ann­ars lögð áhersla á að gera sér­stakan kjara­samn­ing við kenn­ara í Reykja­vík og hækka þar með laun þeirra til að gera leik - og grunn­skól­ana að eft­ir­sóttum vinnu­stöðv­um. Þá vill flokk­ur­inn auka fag­legt frelsi grunn­skóla­kenn­ara og gera til­raunir með ólík kennslu­form.

Við­reisn telur einnig að of mik­ill tími skóla­stjóra fari „í rekstur skóla og ekki nægi­legur tími í fag­lega for­ystu. Þessu ætlum við að breyta með því að semja um fjár­veit­ingu til grunn­skóla til þriggja ára í senn í stað eins árs. Þannig er hægt að auka sveigj­an­leika og svig­rúm til skóla­þró­un­ar. Skóla­stjórar verði fyrst og fremst fag­legir stjórn­endur skóla.“ Þá vill Við­reisn að leik­skólar séu opnir allt sum­arið og for­eldrar velji hvaða fjórar sam­felldu vikur barnið fái frí.

Aug­ljós­asti ásteyt­ing­ar­steinn­inn í mennta­málum verður þó sá að Við­reisn vill fjölga val­kostum í námi og styður fjöl­breytt rekstr­ar­form mennta­stofn­ana. Erfitt verður fyrir t.d. Vinstri græn að sætta sig við slíkt þar sem ein helsta áhersla þeirra í mennta­málum er að vinda „ofan af mark­aðsvæð­ingu í skóla­kerf­in­u“.

Tveir aðrir val­kostir ef úti­lok­anir halda

Ef ofan­greindir flokkar ná ekki saman um myndun meiri­hluta eru tveir aðrir kostir lík­leg­astir í stöð­unni, ef gengið er útfrá því að þeir fjórir flokk­ar, sitj­andi meiri­hluta­flokkar og Sós­í­alista­flokkur Íslands, sem hafa opin­ber­lega úti­lokað sam­starf við Sjálf­stæð­is­flokk standi við það. 

Líkt og áður sagði getur Við­reisn­ unnið til hægri með íhalds­sam­ari flokk­unum Sjálf­stæð­is­flokki, Mið­flokki og Flokki fólks­ins.

Annar mögu­leiki er að mynd­aður verði mjög vinstri­s­inn­aður meiri­hluti Sam­fylk­ing­ar, Vinstri grænna, Sós­í­alista, Pírata og Flokks fólks­ins. Hann myndi hafa eins manns meiri­hluta, líkt og hinir tveir val­kost­irnir sem hér hafa verið nefnd­ir. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Samkeppniseftirlitið ekki haft aðkomu að rannsókn á dótturfélagi Eimskips í Danmörku
Dönsk samkeppnisyfirvöld staðfesta að húsleit hafi farið fram hjá dótturfélagi Eimskips í Danmörku en vilja að öðru leyti ekki tjá sig um rannsókn málsins. Ekki hefur verið óskað eftir aðstoð Samkeppniseftirlitsins hér á landi við rannsóknina.
Kjarninn 24. júní 2022
Þórir Haraldsson er forstjóri Líflands. Félagið flytur inn korn sem það malar í hveiti annars vegar og fóður hins vegar.
Verð á hveiti hækkað um 40 prósent á hálfu ári
Litlar líkur eru á því að hveiti muni skorta hér á landi að sögn forstjóra Líflands en félagið framleiðir hveiti undir merkjum Kornax í einu hveitimyllu landsins. Verð gæti lækkað á næsta ári ef átökin í Úkraínu stöðvast fljótlega.
Kjarninn 24. júní 2022
Lilja D. Alfreðsdóttir, menningar- og viðskiptaráðherra, lagði fram tillögu um skipun starfshópsins sem var samþykkt.
Eru íslensku bankarnir að okra á heimilum landsins?
Starfshópur hefur verið skipaður til að greina hvernig íslenskir bankar haga gjaldtöku sinni, hvernig þeir græða peninga og hvort það sé vísvitandi gert með ógagnsæjum hætti í skjóli fákeppni. Hópurinn á að bera það saman við stöðuna á Norðurlöndum.
Kjarninn 24. júní 2022
Valgerður Jóhannsdóttir og Finnborg Salome Steinþórsdóttir eru höfundar greinarinnar Kynjaslagsíða í fréttum: Um fjölbreytni og lýðræðishlutverk fjölmiðla.
Konur aðeins þriðjungur viðmælanda íslenskra fjölmiðla
Hlutur kvenna í fréttum hér á landi er rýrari en annars staðar á Norðurlöndum. Ekki er afgerandi kynjaskipting eftir málefnasviðum í íslenskum fréttum, ólíkt því sem tíðkast víðast hvar annars staðar.
Kjarninn 24. júní 2022
Seðlabankinn tekur beiðni Kjarnans um „ruslaskistu Seðlabankans“ til efnislegrar meðferðar
Nýlegur úrskurður úrskurðarnefndar um upplýsingamál skikkar Seðlabanka Íslands til að kanna hvort hann hafi gögn um Eignasafn Seðlabanka Íslands undir höndum og leggja í kjölfarið mat á hvort þau gögn séu háð þagnarskyldu.
Kjarninn 24. júní 2022
Tanja Ísfjörð Magnúsdóttir
Af hverju eru svona mörg kynferðisbrotamál felld niður?
Kjarninn 24. júní 2022
Bernhard Esau, fyrrverandi sjávarútvegsráðherra Namibíu, og Þorsteinn Már Baldvinsson hittust nokkrum sinnum. Sá fyrrnefndi hefur verið ákærður í Namibíu og sá síðarnefndi er með stöðu sakbornings í rannsókn á Íslandi.
Fjármagnsskortur stendur ekki í vegi fyrir áframhaldandi rannsókn á Samherja
Útistandandi réttarbeiðni í Namibíu er stærsta hindrun þess að hægt sé að ljúka rannsókn á Samherjamálinu svokallaða. Skortur á fjármunum er ekki ástæða þess að ákvörðun um ákæru hefur ekki verið tekin, tveimur og hálfu ári eftir að rannsókn hófst.
Kjarninn 24. júní 2022
Meira eftir höfundinnÞórður Snær Júlíusson
Meira úr sama flokkiFréttaskýringar