Hér­aðs­dómur Reykja­víkur hefur hafnað kyrr­setn­ing­ar­kröfu Datacell og Suns­hine Press Prod­uct­ions (SPP) á eignum Valitor. 

Í til­kynn­ingu frá Valitor segir að þessi nið­ur­staða komi ekki á óvart. „Ákvörð­unin kemur ekki óvart enda telur Valitor að kyrr­setn­ing­ar­krafan hafi ekki átt við nein rök að styðjast, auk þess sem  Sýslu­mað­ur­inn á höf­uð­borg­ar­svæð­inu hafði áður hafnað sömu kröfu. Valitor vill jafn­framt nota tæki­færið til að vísa á bug sögu­burði í fjöl­miðlum þess efnis að lög­maður Datacell og SPP hafi átt í ein­hvers konar samn­inga­við­ræðum við Valitor um upp­gjör á kröfum þess­ara fyr­ir­tækja á hendur félag­inu. Engar slíkar við­ræður hafa átt sér stað,“ segir í til­kynn­ing­unn­i. 

Þá er enn fremur bent á það, að stærstur hluti krafna fram­an­greindra félaga á hendur Valitor sé í eigu Julian Assange, for­sprakka Wiki­leaks. 

Í til­kynn­ingu segir að félag Assange hafi aldrei átt í neinu við­skipta­sam­bandi við Valitor. „Vert er að benda á að langstærstur hluti krafna fram­an­greindra félaga á hendur Valitor, eða um 95%, er krafa SPP sem er að lang­mestu leyti í eigu Julian Assange. Það félag hefur aldrei átt í neinu við­skipta­sam­bandi við Valitor. Auk þess hefur félagið aldrei haft nema hverf­andi tekjur en gerir samt millj­arða kröfur á hendur fyr­ir­tæk­inu. Valitor hefur frá upp­hafi talið að eng­inn grund­völlur sé fyrir kröfu­gerð SPP og hefur því ítrekað hafnað henni. Auk þess er vert að minna á að eng­inn dómur hefur fallið um kröfu­gerð SPP,“ segir í til­kynn­ing­unni.