Katrín Jak­obs­dóttir for­sæt­is­ráð­herra ætlar að skipa nefnd um end­ur­skoðun laga um Seðla­banka Íslands þar sem munu eiga sæti tveir full­trúar for­sæt­is­ráðu­neyt­is­ins, tveir full­trúar fjár­mála- og efna­hags­ráðu­neyt­is­ins og einn full­trúi Seðla­banka Íslands. Nefndin á að ljúka störfum fyrir 31. jan­úar 2019. Þessi áform voru til­kynnt á rík­is­stjórn­ar­fundi í gær­morg­un.

Vinna nefnd­ar­innar mun m.a. byggja á skýrslu nefndar um end­ur­skoðun pen­inga­stefnu Íslands sem skilað var 5. júní síð­ast­lið­inn.

Í þeirri skýrslu er gengið út frá því að íslenska krónan verði áfram gjald­mið­ill lands­ins en meðal ann­ars lagst gegn því að Ísland taki upp mynt­ráð og fast­geng­is­stefnu og sagt að landið eigi ekki að reka pen­inga­stefnu með stuðn­ingi hafta. Þess í stað eru lagðar til alls ell­efu til­lögur sem lúta að breyt­ingum á pen­inga­stefn­unni og starfs­háttum Seðla­banka Íslands.

Á meðal þeirra eru að verð­bólgu­mark­mið Seðla­banka Íslands á að und­an­skilja hús­næð­is­verð og fjár­mála­stöð­ug­leiki á að hafa for­gang á verð­stöð­ug­leika ef aðstæður koma upp að ógn skap­ist gegn hinum fyrr­nefnda. Þá eiga aðstoð­ar­seðla­banka­stjórar að vera tveir í stað eins og á annar að vera með áherslu á fjár­mála­stöð­ug­leika en hinn með áherslu á hefð­bundna pen­inga­stefnu. Auka þarf ábyrgð Seðla­bank­ans þannig að hann beri einn ábyrgð á þjóð­hags­varúð og enda­varúð í stað þess að ábyrgð­inni sé skipt milli Seðla­bank­ans og Fjár­mála­eft­ir­lits, eins og nú er.

Í nefnd­inni, sem skipuð var í mars í fyrra og skil­aði skýrslu sinni í dag, sátu hag­fræð­ing­arnir Ásgeir Jóns­son, sem var for­maður henn­ar, Ásdís Krist­jáns­dóttir og Ill­ugi Gunn­ars­son, fyrr­ver­andi ráð­herra Sjálf­stæð­is­flokks­ins.

Hægt er að lesa frétta­skýr­ingu Kjarn­ans um skýrslu nefnd­ar­innar hér.