Íslandsstofa ekki undanþegin upplýsingalögum

Meirihluti utanríkismálanefndar vill að upplýsingalögin gildi áfram um starfsemi Íslandsstofu. Í frumvarpi utanríkisráðherra átti starfsemin að vera undanþegin ákvæðum upplýsinga- og samkeppnislaga og laga um opinber innkaup.

Lára Inspired by Iceland Íslandsstofa
Auglýsing

Meiri­hluti utan­rík­is­mála­nefndar hefur skilað breyt­ing­ar­til­lögu á frum­varpi um Íslands­stofu þar sem upp­lýs­inga­lögin munu áfram gilda um starf­semi henn­ar. Í frum­varpi utan­rík­is­ráð­herra átti starf­semi Íslands­stofu að vera und­an­þegin ákvæðum upp­lýs­inga­laga, sam­keppn­islaga og laga um opin­ber inn­kaup sem meiri­hlut­inn vill að gildi áfram um Íslands­stofu. ­Upp­lýs­inga­lögin veiti þó ekki aðgang að upp­lýs­ingum sem varða mál­efni starfs­manna hennar eða fjár­hags- eða við­skipta­hags­muni þeirra einka­að­ila sem taka þátt í verk­efnum hennar sam­kvæmt breyt­ing­ar­til­lög­unni.

Guð­laugur Þór Þórð­ar­son utan­rík­is­ráð­herra lagði fram stjórn­ar­frum­varp um breyt­ingu á lögum um Íslands­stofu þar sem meðal ann­ars rekstr­ar­formi og hlut­verki hennar er breytt. Íslands­stofa verður þannig sjálfs­eign­ar­stofnun og mun það að sögn utan­rík­is­ráð­herra eyða óvissu um stjórn­sýslu­lega stöðu stofn­un­ar­inn­ar.

Vill meiri­hluti utan­rík­is­mála­nefndar að upp­lýs­inga­lögin gildi áfram um Íslands­stofu en sam­kvæmt frum­varp­inu átti hún að vera und­an­þegin upp­lýs­inga­lög­um. Utan­rík­is­ráð­herra sagði í fram­sögu sinni á Alþingi þegar hann mælti fyrir frum­varp­inu að með því yrði Íslands­stofa ekki lengur stofnun og stjórn­sýslu­að­ili, heldur rekin á einka­rétt­ar­legum grunni, og því gætu stjórn­sýslu­lög og upp­lýs­inga­lög ekki gilt um sjálfs­eign­ar­stofn­un­ina Íslands­stofu. Gild­is­svið þess­ara laga sé bundið við opin­bera aðila og stjórn­sýslu þeirra og hið sama eigi við um gild­is­svið starfs­manna­laga sem lagt var til að nái ekki heldur til starfs­manna Íslands­stofu.

Auglýsing

Í frum­varp­inu er sem sagt lagt til að Íslands­stofa sé und­an­þegin tekju­skatti sam­kvæmt lögum um tekju­skatt og að ákvæði stjórn­sýslu­laga, upp­lýs­inga­laga, sam­keppn­islaga og laga um opin­ber inn­kaup eigi ekki við um starf­semi henn­ar.

Með breyt­ing­ar­til­lögu meiri­hlut­ans verður Íslands­stofa hins vegar áfram und­an­þegin tekju­skatti eins og lagt er til í frum­varpi utan­rík­is­ráð­herra og munu ákvæði stjórn­sýslu­laga ekki gilda um starf­semi henn­ar. Þannig vill meiri­hluti utan­rík­is­mála­nefndar að ákvæði bæði sam­keppn­islaga og laga um opin­ber inn­kaup eigi áfram við um Íslands­stofu. Þá er lagt til í breyt­ing­ar­til­lög­unni að tekið sé sér­stak­lega fram að upp­lýs­inga­lögin gildi um starf­semi Íslands­stofu. Þau veiti þó ekki aðgang að upp­lýs­ingum í fórum Íslands­stofu sem varða mál­efni starfs­manna hennar eða fjár­hags- eða við­skipta­hags­muni þeirra einka­að­ila sem taka þátt í verk­efnum henn­ar.

Nefnd­ar­á­lit meiri­hlut­ans, og þannig efn­is­legur rök­stuðn­ingur fyrir þessum breyt­ing­um, hefur ekki enn verið birtur á vef Alþing­is.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Jóhannes: Þeim er velkomið að reyna að villa um fyrir fólki
Jóhannes Stefánsson, fyrrverandi starfsmaður Samherja og uppljóstrari í málum fyrirtækisins í Namibíu, var í viðtali við Kastljós í kvöld.
Kjarninn 11. desember 2019
Molar
Molar
Molar – 2020 verði ár tollastríðsins
Kjarninn 11. desember 2019
Jóhannes Stefánsson
Rannsaka ítrekaðar tilraunir til að ráða Jóhannes af dögum
Lögreglan í Namibíu rannsakar nú ítrekaðar tilraunir til að ráða Jóhannes Stefánsson uppljóstrara í Samherjamálinu af dögum.
Kjarninn 11. desember 2019
Þórhildur Fjóla Kristjánsdóttir
Jörðum jarðefnaeldsneytið 2035 og verum fyrirmynd
Kjarninn 11. desember 2019
Oddný Harðardóttir
Vilja að embætti skattrannsóknarstjóra verði veitt ákæruvald
Lögð hefur verið fram þingsályktunartillaga þar sem lagðar eru til breyt­ingar á emb­ætti skatt­rann­sókn­ar­stjóra rík­is­ins í þá veru að emb­ætt­inu verði veitt ákæru­vald og heim­ild til sak­sóknar í þeim málum sem það rann­sak­ar.
Kjarninn 11. desember 2019
Greta Thunberg manneskja ársins hjá TIME
Tímaritið TIME Magazine hefur valið manneskju ársins frá árinu 1927 og þetta árið varð loftslagsaktívistinn Greta Thunberg fyrir valinu.
Kjarninn 11. desember 2019
Herdís sótti um að verða næsti útvarpsstjóri
Fyrrverandi forsetaframbjóðandinn Herdís Kjerulf Þorgeirsdóttir er á meðal þeirra 41 sem sóttu um stöðu útvarpsstjóra RÚV.
Kjarninn 11. desember 2019
Íslandi gert að breyta skilyrðum um búsetu framkvæmdastjóra og stjórnarmanna
Samkvæmt Eftirlitsstofnun EFTA þarf Ísland að breyta reglum sem skylda stjórnarmenn og framkvæmdastjórn félaga til þess að vera ríkisborgarar eða búsettir í EES ríki.
Kjarninn 11. desember 2019
Meira úr sama flokkiInnlent