Reglugerð um útlendinga óbreytt eftir fund ráðherranna

Katrín Jakobsdóttir forsætisráðherra átti fund með Sigríði Andersen dómsmálaráðherra vegna reglugerðar um útlendingamál sem þrengir að rétti hælisleitenda og Rauði krossinn lýsti áhyggjum yfir. Engar upplýsingar fást um niðurstöðu fundarins.

Sigríður Andersen Katrín Jakobsdóttir
Auglýsing

Engar breyt­ingar hafa verið gerðar né heldur boð­aðar á nýrri reglu­gerð um útlend­inga sem dóms­mála­ráð­herra setti í mars og þrengir að mati Rauða kross­ins á túlkun á því hvenær sér­stakar ástæður eigi við í málum umsækj­enda um alþjóð­lega vernd og hvenær beri að taka mál sér­stak­lega við­kvæmra ein­stak­linga til efn­is­legrar með­ferð­ar. For­sæt­is­ráð­herra hitti dóms­mála­ráð­herra á fundi, en ekki fæst upp­gefið hvort málið var sér­stak­lega rætt þar.

Kjarn­inn greindi frá því í mars að Katrín Jak­obs­dóttir for­sæt­is­ráð­herra hefði óskað eftir sam­tali við Sig­ríði Á. And­er­sen dóms­mála­ráð­herra vegna máls­ins og vildi fara nákvæm­lega yfir gagn­rýni Rauða kross­ins og hvernig rétt sé að bregð­ast við því. Hún ítrek­aði í svari sínu í óund­ir­búnum fyr­ir­spurn­ar­tíma á Alþingi sér­stak­lega að í kjarna útlend­inga­lag­anna eigi mannúð að vera leið­ar­ljós í mót­töku flótta­fólks og ekki síst barna. Katrín sagði einnig að henni hafi verið ókunn­ugt um efni reglu­gerð­ar­innar þegar hún var kynnt.

Ekki fást upp­lýs­ingar frá ráðu­neyt­inu hvort málið var rætt eða hvort fund­ur­inn yfir höfuð sner­ist um þetta mál, en sjá má á heima­síðu for­sæt­is­ráðu­neyt­is­ins þar sem finna má upp­lýs­ingar um dag­skrá ráð­herra, að fundur milli Katrínar og Sig­ríðar Á. And­er­sen dóms­mála­ráð­herra fór fram fimmtu­dag­inn 5. apríl og stóð í klukku­tíma.

Auglýsing

Rauði kross­inn gerði alvar­­legar athuga­­semdir við þröng skil­yrði reglu­­gerð­­ar­innar sem gerðar voru fyrir því að taka megi umsókn til efn­is­­með­­­ferðar vegna heilsu­far­s­á­­stæðna. Hingað til hafi verið lagt ein­stak­l­ings­bundið mat á heilsu umsækj­enda og hvaða áhrif end­­ur­­send­ing hefur á heilsu þeirra, óháð því hvort heil­brigð­is­­kerfi í við­­töku­­ríki er í stakk búið til að veita við­kom­andi full­nægj­andi með­­­ferð. Reglu­­gerðin taki hins vegar fram í dæma­­skyni að þeir ein­stak­l­ingar sem geti fallið þarna undir séu umsækj­endur sem glíma við mikil og alvar­­leg veik­indi, gerð er krafa um skynd­i­­legan og lífs­hætt­u­­legan sjúk­­dóm og að með­­­ferð við honum sé aðgeng­i­­leg hér á landi en ekki í við­­töku­­ríki.

„Í kafla reglu­­gerð­­ar­innar sem fjallar um sér­­við­mið er varðar börn og ung­­menni er tekið fram að þau við­mið sem komi fram í reglu­­gerð­inni (1. og 3-7. mgr.) eigi jafn­­framt við um börn. Þannig virð­ist gert ráð fyrir að börn sem eru haldin sjúk­­dómi sem ekki nær þeim alvar­­leika­­þrös­k­uldi að telj­­ast skynd­i­­legur og lífs­hætt­u­­legur skuli end­­ur­­send til við­­töku­­rík­­is, jafn­­vel þó að for­eldrar barns­ins muni þurfa að greiða fyrir með­­­ferð við sjúk­­dómnum í við­­töku­­ríki, án þess að frekara mat fari fram á ein­stak­l­ings­bundnum aðstæðum barns­ins,“ segir í frétt Rauða kross­ins um málið frá því í mars.

Rauði kross­inn telur að efni nýrrar reglu­­gerðar gangi að miklu leyti gegn almennri túlkun og skýr­ingu á lögum um útlend­inga, mark­miðum þeirra og athuga­­semdum í grein­­ar­­gerð með frum­varpi sem varð að núgild­andi lögum um útlend­inga. Þá feli ákvæði reglu­­gerð­­ar­innar í sér aft­­ur­­för og skerð­ingu á rétt­indum umsækj­enda um alþjóð­­lega vernd.

Sam­kvæmt heim­ildum Kjarn­ans er enn sem komið er komin lítil reynsla á fram­kvæmd sam­kvæmt reglu­gerð­inni. Vísað hafi verið til hennar í ákvörð­unum og úrskurð­um, en óvíst er enn hvort hún hafi haft úrslita­á­hrif og enn eigi þau mál eftir að rata til kæru­nefndar útlend­inga­mála. Rauði kross­inn bíður þess að sjá með hvaða hætti hún not­ast við hina nýju heim­ild í reglu­gerð­inni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Málsmeðferð kærunefndar fær falleinkunn hjá Héraðsdómi Reykjavíkur
Kærunefnd útboðsmála er sögð hafa farið á svig við lög og stuðst við vafasama útreikninga er hún komst að þeirri niðurstöðu að rétt væri að óvirkja samning Orku náttúrunnar við Reykjavíkurborg um hraðhleðslustöðvar.
Kjarninn 27. nóvember 2021
Svandís Svavarsdóttir heilbrigðisráðherra hefur undirritað reglugerð sem markar fyrstu viðbrögð íslenskra stjórnvalda við hinu svokallað Ómíkrón-afbrigði veirunnar.
Síðasta kórónuveiruverk Svandísar að bregðast við „Ómíkrón“
Á sunnudag tekur gildi reglugerð sem felur í sér að þeir sem koma til landsins frá skilgreindum hááhættusvæðum þurfa að fara í tvö PCR-próf með sóttkví á milli. Ómíkrón-afbrigðið veldur áhyggjum víða um heim og líka hjá sóttvarnalækni.
Kjarninn 27. nóvember 2021
Vinstri græn fá sjávarútvegsmálin og Framsókn sest í heilbrigðisráðuneytið
Miklar breytingar verða gerðar á stjórnarráði Íslands, ný ráðuneyti verða til og málaflokkar færðir. Ráðherrarnir verða tólf og sá sem bætist við fellur Framsóknarflokknum í skaut. Vinstri græn stýra sjávarútvegs- og landbúnaðarmálum.
Kjarninn 27. nóvember 2021
Hjalti Hrafn Hafþórsson
Það sem ekki var talað um á COP26
Kjarninn 27. nóvember 2021
Bankastjórar þriggja stærstu banka landsins.
Útlán til heimila hafa aukist en útlán til fyrirtækja dregist saman það sem af er ári
Bankarnir nýttu svigrúm sem var gefið til að takast á við efnahagslegar afleiðingar kórónuveirunnar til að stórauka útlán til íbúðarkaupa. Útlán til fyrirtækja hafa hins vegar dregist saman.
Kjarninn 27. nóvember 2021
Lerbjergskógurinn er nú kominn í eigu og umsjá Danska náttúrusjóðsins.
Danir gripnir kaupæði – „Við stöndum frammi fyrir krísu“
Lerbjergskógurinn mun héðan í frá fá að dafna án mannlegra athafna. Hann er hluti þess lands sem Danir hafa keypt saman til að auka líffræðilegan fjölbreytileika og draga úr áhrifum loftslagsbreytinga.
Kjarninn 27. nóvember 2021
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Meira úr sama flokkiInnlent