Seðla­bank­inn spáir fyrir meira fram­boði óhefð­bund­inna greiðslu­lausna og auk­inni hag­kvæmni í kjöl­far nýrrar til­skip­unar Evr­ópu­sam­bands­ins, sem inn­leidd verður fljót­lega á Íslandi. Hins vegar muni reiðufé lík­lega halda áfram að gegna mik­il­vægu hlut­verki á Íslandi, þrátt fyrir fyr­ir­hug­aðar breyt­ing­ar.  Þetta kemur fram í nýjasta tíma­riti Fjár­mála­inn­viða Seðla­bank­ans. 

Til­skip­un­in, sem kölluð er PS­D2, er upp­færsla á sam­ræmdu reglu­verki í kringum greiðslu­þjón­ustu á Evru­svæð­inu. Upp­færslan á að taka til­lit til nýrra leiða í staf­rænni þjón­ustu og greiða fyrir nýsköpun á þeim vett­vangi, sam­hliða því að bæta öryggi neyt­enda.

Sam­kvæmt Seðla­bank­anum eru helstu breytigar sem PS­D2 hefur í för með sér ný teg­und greiðslu­þjón­ustu sem gerir þjón­ustu­fyr­ir­tækjum á net­inu kleift að virkja greiðslu beint við banka neyt­enda, án færslu­hirðis sölu­að­ila og kredit­kor­ta­kerfi. Í skýrsl­unni segir að þessi þróun kunni að leiða til auk­innar hag­kvæmni í raf­rænni smá­greiðslu­miðl­un. Hins vegar væri brýnt að efla vit­und neyt­enda í þessum efnum og mik­il­vægt að við­eig­andi stjórn­völd stuðli að þeirri vit­und­ar­vakn­ing­u. 

Kredit­kortin þjóð­hags­lega óhag­kvæm

Kredit­korta­notkun á Íslandi er mun algeng­ari en í öðrum ríkjum Evr­ópu, en sam­kvæmt Seðla­bank­anum er kostn­aður sam­fé­lags­ins af þeim meiri en vegna debet­korta. Kredit­kortum fylgi milli­gjöld og minna gagn­sæi í við­skipt­um, en öllum færslu­gjöldum sé að öllum lík­indum velt út  í verð­lag. Því mætti búast við lækkun á verði fjár­mála­þjón­ustu nái aðrir greiðslu­mögu­leikar að keppa við kredit­korta­þjón­ust­u. 

Reiðufé þó enn vin­sælt

Þrátt fyrir fyr­ir­hug­aðar breyt­ingar í greiðslu­miðlun gerir Seðla­bank­inn þó ráð fyrir því að reiðufé muni enn eiga veiga­mik­inn þátt á Íslandi á næstu árum. Í lok árs 2017 var virði reiðu­fjár í umferð á Ísland um 60 millj­arðar íslenskra króna, eða  2,4% af vergri lands­fram­leiðslu. Hlut­fallið er lágt í alþjóð­legum sam­an­burði, en sams konar hlut­fall á Evru­svæð­in­u er yfir 10% og yfir 12% í Sviss. Þrátt fyrir lágt hlut­fall reiðu­fjár af lands­fram­leiðslu hefur það hækkað umtals­vert frá hruni, en á árunum 1985-2007 var það í kringum 1%, eða  helm­ingi lægra.