Þriðji hver doktorsnemi á Íslandi hefur erlent ríkisfang

Fjöldi erlendra doktorsnema hefur tvöfaldast frá árinu 2011 en doktorsnemum hefur fjölgað á öllum almennum námssviðum.

menntun bækur lærdómur skóli
Auglýsing

Haustið 2017 var um þriðj­ungur dokt­or­snema með erlent rík­is­fang eða 213 nem­end­ur. Fjöldi erlendra dokt­or­snema hefur tvö­fald­ast frá árinu 2011 þegar þeir voru 108 tals­ins. Þetta kemur fram í frétt Hag­stof­unn­ar. 

Íslenskir dokt­or­snemar voru 424 haustið 2017 en 114 voru frá öðrum Evr­ópu­löndum en Norð­ur­lönd­un­um, 44 frá Asíu, 26 frá Amer­íku og 18 frá Norð­ur­lönd­un­um. Dokt­or­snemum fjölg­aði á öllum almennum náms­sviðum frá fyrra ári, segir í frétt­inn­i. 

Nem­endur á skóla­stigum ofan grunn­skóla á Íslandi voru 41.598 haustið 2017, sem er svip­aður fjöldi og árið áður. Nem­endum fækk­aði á fram­halds­skóla­stigi en nem­endum sem sóttu nám á við­bót­ar­stigi og dokt­ors­stigi fjölg­aði tölu­vert. Á við­bót­ar­stigi er nám sem bæt­ist ofan á nám á fram­halds­skóla­stigi en er ekki á háskóla­stigi.

Auglýsing

Á fram­halds­skóla­stigi stund­uðu 22.530 nem­endur nám og fækk­aði um 0,3 pró­sent frá hausti 2016. Karlar voru í meiri­hluta nem­enda, eða 51,3 pró­sent. Á háskóla­stigi í heild voru 17.892 nem­endur sem er fækkun um 0,8 pró­sent frá fyrra ári. Konur voru 63,5 pró­sent háskóla­nem­enda. Nem­endum á dokt­ors­stigi fjölg­aði um tæp 36 pró­sent frá hausti 2016 og voru 637 tals­ins haustið 2017. Svip­aða sögu er að segja um þá sem stund­uðu nám á við­bót­ar­stigi en þeim fjölg­aði um rúm 20 pró­sent og voru 1.176 haustið 2017.

Háskóla­nemum fækkar í raun­vís­indum og verk­fræði­grein­um 

Lang­flestir háskóla- og dokt­or­snemar sóttu nám á sviði félags­vís­inda, við­skipta og lög­fræði haustið 2017, eða 6.207 nem­end­ur, sam­kvæmt Hag­stof­unni. Næst­flestir nem­endur voru á sviði heil­brigðis og vel­ferð­ar, eða 2.657. Fjöldi nem­enda á sviði raun­vís­inda, stærð­fræði og tölv­un­ar­fræði náði hámarki árið 2013 þegar 2.248 nem­endur stund­uðu nám á því sviði en nem­endum hefur fækkað og voru 2.057 haustið 2017. 

Nem­endum á sviði verk­fræði, fram­leiðslu og mann­virkja­gerðar hefur einnig fækkað frá árinu 2013, úr 1.797 í 1.634. Fækk­unin er þó aðal­lega á meðal karla en þeim hefur fækkað um tæp 15 pró­set frá árinu 2013 og voru 1.021 haustið 2017. Konum á svið­inu hefur aftur á móti fjölgað um tæp 3 pró­sent frá 2013 og voru þær 613 haustið 2017.

Á háskóla- og dokt­ors­stigi voru konur fleiri en karlar á öllum sviðum mennt­unar nema á sviði raun­vís­inda, stærð­fræði og tölv­un­ar­fræði sem og í verk­fræði, fram­leiðslu og mann­virkja­gerð. Hlut­falls­lega voru konur flestar á sviði heil­brigðis og vel­ferðar en þar voru þær 84,6 pró­sent nem­enda. Á sviði verk­fræði, fram­leiðslu og mann­virkja­gerðar voru konur hlut­falls­lega fæstar eða 37,5 pró­sent nem­enda.

Hlutfall kynja á háskólastigi Mynd: Hagstofan

Skóla­sókn rokkar milli ára

Skóla­sókn, þ.e. hlut­fall nem­enda af ald­urs­hópi 16 ára, var 95,0 pró­sent í skólum ofan grunn­skóla haustið 2017 sem er aðeins meira en ári áður þegar skóla­sókn var 94,7 pró­sent, en minni en árin 2011 til 2015 þegar hún fór hæst í 95,5 pró­sent. Skóla­sókn haustið 2017 var 94,8 pró­sent hjá drengjum en 95,1 pró­sent hjá stúlk­um.

Skóla­sókn haustið 2017 var minni en haustið 2016 hjá 17 og 19 ára ung­lingum en fleiri 18 og 20 ára ung­menni sóttu skóla en ári áður.

Í frétt hag­stof­unnar segir jafn­framt að skóla­sókn kvenna hafi verið meiri en karla í öllum árgöngum 16 til 29 ára að 20 ára nem­endum und­an­skildum og einnig meðal háskóla­nem­enda 30 ára og eldri. Ef ein­göngu sé litið á nem­endur á fram­halds­skóla­stigi hafi karlar verið hlut­falls­lega fleiri en konur á aldr­inum 20 til 24 ára.

Tæp­lega einn af hverjum þremur nem­endum á fram­halds­skóla­stigi var í starfs­námi haustið 2017 sem er smá­vægi­leg fækkun frá fyrra ári en 68,6 pró­sent nem­enda stund­uðu nám á bók­náms­braut­um. Hlut­fall nem­enda í starfs­námi hefur lítið breyst síð­ast­lið­inn ára­tug en var 36 til 38 pró­sent á árunum 2000 til 2005. Hlut­fall nema í starfs­námi haustið 2017 var mun hærra meðal karla en kvenna, eða 38,8 pró­sent á móti 23,5 pró­sent hjá kon­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Andlátin í þessari bylgju orðin þrjú
Einn einstaklingur lést á Landspítala síðasta sólarhring vegna COVID-19, samkvæmt tilkynningu á vef spítalans. Andlátin þar eru því tvö á einungis tveimur dögum.
Kjarninn 29. október 2020
Flóttafólk mótmælti í febrúar á síðasta ári.
Flóttafólkið frá Lesbos enn ekki komið til Íslands
Ríkisstjórnin tilkynnti í september að allt að 15 manns, flóttafólk frá Lesbos, myndi bætast í hóp þeirra 85 sem ríkisstjórnin hyggðist taka á móti á þessu ári. Flóttamannanefnd útfærir verkefnið en unnið er að því í samstarfi við m.a. grísk stjórnvöld.
Kjarninn 29. október 2020
Eiríkur Tómasson
Hvers vegna nýja stjórnarskrá?
Kjarninn 29. október 2020
Fjöldi fyrirtækja fór á hlutabótaleið í kjölfar lokana vegna veirufaraldursins í vor.
201 framúrskarandi fyrirtæki á hlutabótaleið
Fyrirtæki sem Creditinfo hefur skilgreint sem framúrskarandi voru líklegri til að hafa farið á hlutabótaleiðina en önnur virk fyrirtæki hér á landi, en tæpur fjórðungur þeirra nýttu sér úrræðið í vor.
Kjarninn 29. október 2020
Benedikt Gíslason bankastjóri Arion banka
Arion banki með of mikið eigið fé
Nýliðinn ársfjórðungur var góður fyrir Arion banka, samkvæmt nýútgefnu ársfjórðungsuppgjöri hans. Bankastjórinn segir bankann vera með of mikið eigið fé.
Kjarninn 28. október 2020
Tilgangur minnisblaðsins „að ýja að því að það séu öryrkjarnir sem frekastir eru á fleti“
Öryrkjabandalag Íslands segir fjármálaráðherra fara með villandi tölur í minnisblaði sínu.
Kjarninn 28. október 2020
Árni Stefán Árnason
Dýravernd – hallærisleg vanþekking lögmanns – talað gegn stjórnarskrá
Kjarninn 28. október 2020
Frá mótmælum á Austurvelli í fyrra.
Meirihluti vill tillögur Stjórnlagaráðs til grundvallar nýrri stjórnarskrá
Meirihluti er hlynntur því að tillögur Stjórnlagaráðs verði lagðar til grundvallar nýrri stjórnarskrá, samkvæmt nýrri skoðanakönnun frá Maskínu. Um það bil 2/3 kjósenda VG segjast hlynnt því, en minnihluti kjósenda hinna ríkisstjórnarflokkanna.
Kjarninn 28. október 2020
Meira úr sama flokkiInnlent