Don­ald Trump Banda­ríkja­for­seti und­ir­rit­aði í dag for­seta­til­skipun (e. order) þar sem mælt er fyrir um það, að hætt verði að skilja að börn og for­eldra ólög­legra inn­flytj­enda á landa­mærum Mexíkó og Banda­ríkj­anna, á meðan réttað er í málum for­eld­rana. 

Óhætt er að segja að þær aðgerðir banda­rískra yfir­valda, að aðskilja börn frá for­eldrum sínum og geyma þau í búrum á með­an, hafi fallið í grýttan jarð­veg víða, en síð­ustu fjórar for­seta­frúr Banda­ríkj­anna, þar á meðal Mel­ania Trump, núver­andi for­seta­frú, mót­mæltu þessum aðgerðum með yfir­lýs­ingum á síð­ustu tveimur dög­um. 

Trump hefur kennt Demókrötum í þing­inu um, og sagt að það sé ein­ungis verið að fram­fylgja lög­um. Á það hefur verið bent, að það sé í reynd ekki raun­in, heldur hafi stefnu­breyt­ing yfir­valda, frá því í apr­íl, leitt til þess­ara aðgerða. Jeff Sessions, dóms­mála­ráð­herra, hefur varið aðgerð­irnar meðal ann­ars með til­vitn­unum í bibl­í­una.

„Þetta snýst um að fjöl­­skyld­ur séu sam­an,“ sagði Trump þegar hann und­ir­­rit­aði til­­­skip­un­ina við for­m­­lega at­höfn í Was­hing­t­on. „Ég var ekki hrif­inn af því að fjöl­­skyld­ur voru aðskild­­ar,“ bætti hann við.

Hann sagði samt, að áfram yrði horft til þess að loka landa­mærum Banda­ríkj­anna fyrir þeim sem koma ólög­lega til lands­ins, til að tryggja öryggi og ná stjórn á landa­mær­un­um.