Stein­grím­ur J. Sig­fús­son, for­seti Alþing­is, harmar að heim­sókn danska þing­for­set­ans Pi­u Kjærs­gaar­d hafi verið notuð til að varpa skugga á hátíð­ar­fund­inum á Þing­völlum í gær. Þetta kemur fram í nýbirtri frétta­til­kynn­ingu Stein­gríms í dag.

Í til­kynn­ing­unni segir Stein­grímur að hann hafi und­ir­búið þing­fund­inn á Þing­völlum og rætt hann jöfnum öndum við for­sætis­nefnd og for­menn þing­flokk­anna. Sjálf­sagt hafi þótt frá byrjun í ljósi til­efn­is­ins að Pi­a Kjærs­gaar­d yrði í sér­stöku hlut­verki á þessum hátíð­ar­fundi sem for­seti danska þings­ins. Henni væri því boðið til lands­ins sem full­trúa gagn­að­ila að fullveldissamningnum.

Þar að auki seg­ist Stein­grímur harma að heim­sókn Pi­u hafi verið not­uð  „til að varpa skugga á hátíð­ar­höld­in“ og leyfir sér að trúa því að meint óvirð­ing í garð heim­sókn hennar sé minni­hlut­ar­sjón­ar­mið. 

Kjarn­inn fjall­aði í gær um heim­sókn Pi­u Kjærs­gaar­d í til­efn­i há­tíð­ar­fund­ar Al­þingis í gær vegna 100 ára full­veld­is­af­mælis Íslands­. Pi­a er einn stofn­enda Danska þjóð­ar­flokks­ins og leiddi flokk­inn á árunum 1995 til 2012. Hún er einn þekkt­asti stjórn­mála­maður í Dan­mörku í dag og hefur talað hart gegn fjöl­menn­ingu, inn­flytj­endum og íslam. 

Í kjöl­far fréttaum­fjöll­unar um komu Pi­u ­síð­ast­lið­inn þriðju­dag til­kynnti þing­flokkur Pírata í gær að hann myndi snið­ganga þing­fund­inn, en flokk­ur­inn sagði enga nauð­syn fyrir komu hennar þar sem engin hefð sé fyrir því að erlendir gestir ávarpi þing­fundi af þessu tagi. Píratar sögðu ákvörð­un­ina einnig ófor­svar­an­lega þar sem Pi­a væri einn helsti höf­undur og tals­maður útlend­inga­andúðar í Evr­ópu.