Helga Vala Helga­dóttir þing­maður Sam­fylk­ing­ar­innar krefst þess að Stein­grímur J. Sig­fús­son for­seti Alþingis leið­rétti ummæli sín um við­brögð við hlut­verki Piu Kjærs­gaard á ald­ar­af­mæli full­veld­is­ins. Þetta segir Helga í nýrri stöðu­upp­færslu á Face­book-­síðu sinni.

Kjarn­inn hefur fjallað um heim­sókn danska þing­for­set­ans Piu Kjærs­gaard í til­efni hátíð­ar­fundar Alþingis í gær vegna 100 ára full­veld­is­af­mælis Íslands. Pia er einn stofn­enda Danska þjóð­ar­flokks­ins og leiddi flokk­inn á árunum 1995 til 2012. Hún er einn þekkt­asti stjórn­mála­maður í Dan­mörku í dag og hefur talað hart gegn fjöl­menn­ingu, inn­flytj­endum og íslam.

Í kjöl­far fréttaum­fjöll­unar um komu Piu síð­ast­lið­inn þriðju­dag til­kynnti þing­flokkur Pírata að hann myndi snið­ganga þing­fund­inn, en flokk­ur­inn sagði enga nauð­syn fyrir komu hennar þar sem engin hefð sé fyrir því að erlendir gestir ávarpi þing­fundi af þessu tagi. Helga Vala Helga­dótt­ir, þing­maður Sam­fylk­ing­ar­inn­ar, gekk einnig út af hátíð­ar­fund­inum á meðan Pia flutti ávarp sitt. 

Í gær birti svo Stein­grímur J. Sig­fús­son, for­seti Alþing­is, frétta­til­kynn­ingu þar sem hann seg­ist harma að heim­sókn danska þing­for­set­ans hafi verið notuð til að varpa skugga á hátíð­ar­fund­in­um, en hann leyfi sér að trúa því að meint óvirð­ing í garð heim­sókn hennar sé minni­hlut­ar­sjón­ar­mið. 

Í stöðu­upp­færslu á Face­book-­síðu sinni fyrr í dag, sem lesa má hér að ofan, segir Helga Vala Stein­grím fara með rangt mál í frétta­til­kynn­ingu sinni í gær sem og í sér­stöku sendi­bréfi sínu til Piu,þar sem for­set­inn biður hana form­lega afsök­un­ar. Stein­grími sé ljóst að mót­mæli Helgu sneru ekki að Piu sem full­trúa danskrar þjóðar heldur hennar fram­göngu og hat­urs­orð­ræðu gagn­vart útlend­ingum og flótta­mönn­um.

Enn fremur segir Helga að Stein­grímur hafi með rang­færslum sínum kosið að stilla upp þeirri sviðs­mynd að þau sem mót­mæli hat­urs­orð­ræðu og standi með mann­rétt­indum allra séu með því að kasta rýrð á danska þjóð. Hún segir að svo sé ekki og krefst jafn­framt að Stein­grímur leið­rétti ummæli sín án taf­ar.