Kol­beinn Ótt­ars­son Proppé, þing­maður Vinstri grænna, skrifar um fjöl­miðla á Íslandi á Face­book síðu sína þar sem hann segir stöð­una grafal­var­lega.

Kol­beinn deilir grein af vef The Guar­dian þar sem segir að Google og Face­book séu að „kyrkja frjálsa fjöl­miðla til dauða“ og að „lýð­ræðið tapi“. Kol­beinn segir að við höfum séð þetta ger­ast hér á landi. Verið sé að und­ir­búa ein­hverjar aðgerð­ir.

„Ég tel ein­boðið að skattaum­hverfi fjöl­miðla verði end­ur­skoð­að. Fjöl­miðlar eru ekki eins og hvert annað fyr­ir­tæki, heldur mik­il­vægur hlekkur í gang­verki lýð­ræð­is. Það er því allt annað en sjálf­gefið að um þá eigi að gilda sömu reglur og aðra, til dæmis þegar kemur að virð­is­auka­skatt­i.“

Kol­beinn segir umræða um rekstr­ar­um­hverfi fjöl­miðla alltof lengi hafa snú­ist ann­ars vegar um áfeng­is­aug­lýs­ingar og hins vegar RÚV á aug­lýs­inga­mark­aði. Hið fyrra sé ein­fald­lega lýð­heilsu­mál og eigi ekki að blanda inn í umræður um rekstr­ar­um­hverfi fjöl­miðla.

„Hvað Rúv varð­ar, þá er ég ekki viss um að lausnin sé að það hverfi af aug­lýs­inga­mark­aði. Ég held að það sé mis­skiln­ingur að við það fær­ist tekj­urnar ein­fald­lega til ann­arra. Stór hluti tekn­anna verður til vegna stöðu Rúv og gæti ein­fald­lega horfið ef það hverfur af mark­aði. Mér finnst að við ættum að skoða það að þær aug­lýs­inga­tekjur sem Rúv aflar fari að ein­hverju leyti í sjóð sem standi svo öðrum fjöl­miðlum opinn. Þannig verði sér­staða rík­is­fjöl­mið­ils­ins í tekju­öflun nýtt öllum fjöl­miðlum til handa,“ skrifar Kol­beinn.

Hann segir hug­myndir sínar algjör­lega óút­færð­ar, hvaða áhrif þær hefðu á starf­semi RÚV og fram­lög frá rík­inu en seg­ist henda þessu fram til umræðu.

„Mér finnst kom­inn tími til að við finnum réttu aðgerð­irnar og fram­kvæmum þær.“

Kol­bein bætir við í lok­inn að honum finn­ist að auki ein­boðið að skoða hvernig hægt sé að styrkja fjöl­miðla beint, þar finnst honum í raun allt opið.