Rík­is­sátta­semj­ari hefur skipað gerð­ar­dóm í deilu Ljós­mæðra­fé­lags Íslands og fjár­mála­ráð­herra fyrir hönd rík­is­sjóðs. Meðal dóm­ara verður fyrrum rík­is­sátta­semj­ari og ljós­móð­ir. Þetta kemur fram í til­kynn­ingu frá rík­is­sátta­semj­ara.

Kjarn­inn greindi áður frá miðl­un­ar­til­lögu rík­is­sátta­semj­ara  í ljós­mæðra­deil­unni, sem lögð var fram og sam­þykkt í síð­ustu viku með 95,1 pró­sent atkvæða. Til­lagan fól meðal ann­ars í sér að sér­stakur gerð­ar­dómur yrði skip­aður til að kveða upp úr með það að hvaða leyti launa­setn­ing stétt­ar­innar sé í sam­ræmi við mennt­un, álag og inn­tak ljósmæðrastarfsins.

Sam­kvæmt til­kynn­ing­unni er dóm­ur­inn skip­aður þeim Magn­úsi Pét­urs­syni, fyrrum rík­is­sátta­semj­ara, sem jafn­framt er for­mað­ur, Guð­björgu Andreu Jóns­dótt­ur, for­stöðu­maður Félags­vís­inda­stofn­unar Háskóla Íslands og Bára Hildur Jóhann­es­dótt­ir, deild­ar­stjóri mönn­unar og starfs­um­hverf­is­deildar Land­spít­ala og ljós­móð­ir.

Gerð­ar­dóm­ur­inn er sjálf­stæður í störfum sín­um, en í til­kynn­ing­unni segir að hann skuli hafa hlið­sjón af kjörum og launa­þróun þeirra sem sam­bæri­legir geta talist í mennt­un, störf­um, vinnu­tíma og ábyrgð og, eftir atvikum almennri þróun kjara­mála hér á landi. Dóm­ur­inn á að ljúka störfum eigi síðar en fyrsta sept­em­ber næst­kom­andi.