Rekstr­ar­að­ili með­ferð­ar­heim­ilis á Lauga­landi í Eyja­firði fyrir börn greiddi sér 42 millj­ónir króna í arð út úr rekstr­in­um, eftir að hafa stofnað einka­hluta­fé­lag um rekst­ur­inn en ríkið leggur heim­il­inu til rekstr­ar­fé. 

Frá þessu er greint í Frétta­blað­inu í dag.

Lauga­land er einka­rekið með­ferð­ar­heim­ili fyrir ung­menni í vímu­efna­vanda og starfar sam­kvæmt rekstr­ar­samn­ingi og undir yfir­stjórn Barna­vernd­ar­stofu, sem sinnir jafn­framt eft­ir­liti með heim­il­inu. Félagið Pétur G. Brodda­son ehf., sam­nefnt eig­and­an­um, var stofnað vegna rekst­urs­ins.

Í við­tali við Frétta­blaðið segir Pétur að greiðsl­urnar séu lögum sam­kvæmt og þær séu hluti af hans launum fyrir að reka með­ferð­ar­heim­il­ið.

Rík­is­end­ur­skoðun hvatti á árin­u 2011 vel­ferð­ar­ráðu­neytið til að taka af­stöðu til einka­rek­inna með­ferð­ar­heim­ila ­sem rekstr­ar­forms. Þrem­ur árum síðar skýrði ráðu­neytið Rík­is­end­ur­skoð­un frá því að í burð­ar­liðn­um væri stofnun til að taka að hluta til við verk­efnum einka­rek­inna ­með­ferð­ar­heim­ila, að því er segir í Frétta­blað­inu.