Vel­ferð­ar­ráðu­neytið hefur samið við Hag­fræði­stofnun Háskóla Íslands um gerð ítar­legrar úttektar á smá­sölu lyfja hér á landi. Skoðað verður hvernig mark­að­ur­inn hefur þró­ast frá því að verslun með lyf var gefin frjáls árið 1996 og hvort helstu mark­miðum lyfja­laga sé fram­fylg­t. ­Á­ætlað er að stofn­unin ljúki verk­inu um næstu ára­mót og skili þá ráðu­neyt­inu skýrslu með nið­ur­stöðum sín­um.

Þetta kemur fram í frétt vel­ferð­ar­ráðu­neyt­is­ins.

Þar segir að í úttekt Hag­fræði­stofn­unar verði sam­keppn­is­staða mark­að­ar­ins greind, meðal ann­ars á grund­velli mark­aðs­hlut­deild­ar, sam­þjöppun eign­ar­halds og álagn­ingar smá­sala. Jafn­framt verði skoðuð hag­kvæmni í lyf­sölu og gæði þjón­ust­unn­ar, þar á meðal dreif­ing apó­teka um land­ið. Kannað verði hvort þær breyt­ingar sem inn­leiddar voru í lyfja­verslun árið 1996 hafi skilað sér í lægra verði og betri þjón­ustu apó­teka. Í breyt­ing­unni hafi meðal ann­ars falist að hætt var að tak­marka fjölda apó­teka og felld niður krafa um að eig­endur þeirra væru lyfja­fræð­ing­ar. Nið­ur­stöður grein­ing­ar­innar verða bornar saman við stöð­una hjá nágranna­þjóð­um, sam­kvæmt ráðu­neyt­in­u. 

„Meg­in­mark­mið lyfja­laga er að tryggja nægt fram­boð lyfja með sem hag­kvæm­astri dreif­ingu á grund­velli eðli­legrar sam­keppni. Sam­kvæmt lög­unum á lyfja­dreif­ing að vera hluti heil­brigð­is­þjón­ust­unnar og þeir sem starfa við verslun með lyf skulu vinna með öðrum aðilum heil­brigð­is­þjón­ust­unnar að opin­berum heil­brigð­is­mark­mið­u­m. 

Jafn­framt er mark­mið lag­anna að tryggja gæði og öryggi lyfja og lyfja­þjón­ustu, auka fræðslu um lyfja­notk­un, sporna við óhóf­legri notkun og halda lyfja­kostn­aði í lág­marki,“ segir í frétt­inn­i.