Guð­mundur Hjalta­son, annar ákærðu í Vafn­ings­mál­inu svo­nefnda, hefur stefnt íslenska rík­inu til­ greiðslu skaða- og miska­bóta vegna ­máls­með­ferðar í málum sak­sókn­ara ­gegn sér. 

Frá þessu er greint í Frétta­blað­inu í dag, og segir lög­maður Guð­mund­ar, Þórður Boga­son, að í mál­inu reyni á hvort ríkið sé bóta­skylt gagn­vart Guð­mund­i. 

„Um leið eru dóm­stólar í raun spurðir hvort emb­ætti sér­staks sak­sókn­ara, með full­tingi lög­gjafans, hafi farið offari gegn ein­stak­lingum sem unnu í banka­kerf­inu fyrir hrun og brotið gegn stjórn­ar­skrár­vörðum rétt­indum þeirra. Málið snýst þannig um grund­vall­ar­spurn­ingar um við­brögð þjóð­fé­lags við efna­hags­hruni og hversu langt er hægt að ganga gagn­vart ein­stak­lingum á grund­velli þess að þeir hafi unnið í ákveðnum geirum atvinnu­lífs­ins,“ segir Þórð­ur, í við­tali við Frétta­blað­ið.

Guð­mundur var frá 2006 og til­ maí 2008 fram­kvæmda­stjóri fyr­ir­tækja­sviðs Glitn­is, en bank­inn féll eins og Kaup­þing og Lands­bank­inn, dag­ana 7. til 9. októ­ber 2008. 

Allt fram á árið 2016 hafði Guð­mund­ur rétt­ar­stöðu grun­aðs manns hjá emb­ætt­inu en ein ákæra var gefin út á hendur hon­um. 

Í Vafn­ings­mál­inu var Guð­mundi og Lárusi Weld­ing, þá ­banka­stjóra Glitn­is, gefið að sök að hafa mis­notað aðstöðu sína og ­stefnt fé bank­ans í stór­fellda hætt­u ­með 102 millj­óna evra láni til félags­ins Mi­lestone föstu­dag­inn 8. febr­ú­ar 2008. Það sam­svar­aði um tíu millj­örð­u­m króna á útborg­un­ar­deg­i. Tví­menn­ing­arnir voru sak­felld­ir í hér­aði í árs­lok 2012 og dæmdir til­ níu mán­aða fang­els­is­vistar hvor. Sex ­mán­uðir refs­ing­ar­innar voru skil­orðs­bundn­ir. Í Hæsta­rétti, rúmu ári ­síð­ar, voru þeir hins vegar sýkn­að­ir þar sem ekki þótti sannað að hátt­sem­i sú sem Guð­mundi og Lárusi var gefin að sök hefði falið í sér veru­lega fjár­tjóns­hættu fyrir Glitni.