Sonja Ýr Þor­bergs­dóttir mun gefa kost á sér í emb­ætti for­manns BSRB í kosn­ingu sem fram fer á þingi banda­lags­ins sem haldið verður dag­ana 17. til 19. októ­ber næst­kom­andi.

Í yfir­lýs­ingu frá  Sonju kemur fram að hún telji að mik­il­væg­asta verk­efni banda­lags­ins sé að auka vel­ferð allra, stuðla að auknu jafn­rétti og tryggja að allir geti lifað á launum sín­um.

„Eitt af stærstu bar­áttu­málum okkar í BSRB er stytt­ing vinnu­vik­unn­ar. Allt of víða ein­kenn­ist starfs­um­hverfi í almanna­þjón­ustu af lág­marks­mönnun og miklu álagi með til­heyr­andi afleið­ingum fyrir heilsu fólks. Stytt­ing vinnu­vik­unnar stuðlar meðal ann­ars að betri líð­an, minni streitu, auk­inni starfs­á­nægju og fækkun veik­inda­daga. Við í BSRB þurfum að halda áfram að berj­ast kröft­ug­lega fyrir stytt­ingu vinnu­vik­unnar og betra starfs­um­hverf­i,“ segir Sonja meðal ann­ars í yfir­lýs­ing­unni.

Hljóti hún kosn­ingu seg­ist Sonja munu vinna að aðgerðum í hús­næð­is­mál­um, efla stuðn­ing við barna­fjöl­skyld­ur, minnka skatt­byrði og tryggja jafnt aðgengi að heil­brigð­is­þjón­ustu.