Jack Dorsey, for­stjóri Twitt­er, og Sheryl Sand­berg, einn fram­kvæmda­stjóra Face­book, segja að alvar­leg mis­tök hafi átt sér stað þegar kerf­is­bundnar tölvu­árásir og falskar frétta­veitur voru not­aðar á sam­fé­lags­miðl­unum í aðdrag­anda kosn­ing­anna 2016. 

Sögðu þau bæði, sam­kvæmt umfjöllun BBC, að miðl­arnir hefðu brugð­ist seint og illa við því þegar hinum ýmsu aðgerðum var beitt til að hafa áhrif á frétta­straum fólks. Starfs­fólk hefði ekki verið með nægi­lega góða ferla til að bregð­ast við og þá hefði ekki heldur verið nægi­lega fylgst með því, að ekki væri verið að mis­nota það áhrifa­mikla dag­skrár­vald sem sam­fé­lags­miðl­arnir búa yfir. 

Margir þing­menn þjörm­uðu að Dorsey og Sand­berg og sögðu þau vera tals­menn fyr­ir­tækja sem hefðu ekki brugð­ist nægi­lega vel fyrir alvar­legum árásum á Banda­rík­in, og að lengi vel hefðu þau ein­fald­lega ekki við­ur­kennt að vanda­mál væri til stað­ar. 

Þá lét Mark Warn­er, öld­ung­ar­deild­ar­þing­maður Demókrata, þau orð falla að það væri lít­il­lækkun við Banda­ríkja­þing að Google hefði ekki sent full­trú á fund þing­nefndar til að ræða mál­ið, en sæti sem merkt var fyr­ir­tæk­inu var tómt. 

„Í ljósi lið­inna at­b­­urða, þá er aug­­ljóst að al­var­­leg mis­­tök voru gerð, bæði af hálfu Face­­book og Twitt­er,“ sagði Mark Warner í yf­ir­heyrsl­unni.