Don­ald Trump, Banda­ríkja­for­seti, segir til­bú­inn að grípa til enn hert­ari tolla gagn­vart Kín­verj­um. Nú þegar hefur hefur Banda­ríkja­stjórn ákveðið að leggja á við­skipta­tolla á inn­flutn­ing frá Kína upp á 267 millj­arða Banda­ríkja­dala á árs­grund­velli, eða sem nemur tæp­lega 30 þús­und millj­örðum króna. 

Tollar bein­ast að svo til öllum inn­flutn­ingi frá Kína, en Kín­verjar hafa svarað með því að leggja tolla á einkum land­bún­að­ar­af­urðir frá Banda­ríkj­un­um. Kín­versk stjórn­völd hafa sagt að þau vilji ekki við­skipta­stríð við Banda­ríkin og hafa mót­mælt aðgerðum Banda­ríkj­anna harð­lega, meðal ann­ars á vett­vangi Alþjóða­við­skipta­stofn­un­ar­innar (WTO).

Bloomberg hefur eftir sér­fræð­ingum á fjár­mála­mark­aði, að fjár­festar í Banda­ríkj­unum séu almennt ekki hlynntir aðgerðum Trumps. Sam­tals nafn inn­flutn­ingur frá Kína ríf­lega 500 millj­örðum Banda­ríkja­dala í fyrra, sam­kvæmt umfjöllun Bloomberg, en toll­arnir hafa í mörgum til­fellum leitt til erf­ið­leika í fram­leiðslu í Banda­ríkj­unum vegna auk­ins kostn­að­ar. 

Hörð­ustu and­stæð­ingar toll­ana, ekki síst innan Repúblikana­flokks­ins, segja Trump ýta undir öfuga hags­muni með því að setja toll­ana á og hækka þá. Þeir grafi undan sam­keppn­is­hæfni í Banda­ríkj­unum og leið í raun til þess að störf tap­ist í Banda­ríkj­un­um. Fyr­ir­tæki hagn­ist ekki nægi­lega vel á þeim. 

Trump seg­ist hins vegar óhræddur við að beita við­skipta­tollum áfram. Það sé liður í að styrkja banda­ríska hag­kerf­ið, og örva banda­ríska fram­leiðslu.