Kín­verjar hafa svarað nýj­ustu tollum Banda­ríkja­stjórn­ar, á inn­fluttar vörur frá Kína, með því að hækka tolla á vöru­inn­flutn­ing frá Banda­ríkj­unum sem tekur til sam­tals um 60 millj­arða Banda­ríkja­dala, eða sem nemur um 6.500 millj­örðum króna. 

Þetta gerðu Kín­verjar eftir að Banda­ríkin til­kynntu um við­skipta­tolla upp á meira en 200 millj­arða Banda­ríkja­dala til við­bótar við það sem áður hafði verið lagt á. Í  fyrstu verða toll­arnir um 10 pró­sent, frá og með 24. sept­em­ber, en frá ára­mótum hækka þeir í 25 pró­sent. 

Kín­verjar hyggj­ast setja á 5 pró­sent tolla sem síðan geta hækkað í 10 pró­sent, en þeir munu ná til mörg þús­und vöru­teg­unda. 

Stjórn­völd í Kína hafa mót­mælt við­skipta­tollum Banda­ríkj­anna og segja þá vera í mót­sögn við alþjóða­samn­inga Alþjóða­við­skipta­stofn­un­ar­innar (WTO) og segja þá auk þess grafa undan efna­hag bæði Kína og Banda­ríkj­anna. Auk þess sem afleidd áhrif geta fund­ist um allan heim. 

Don­ald Trump Banda­ríkja­for­seti beinir spjót­unum ekki síst að allri fjölda­fram­leiðslu á raf­tækj­um, þar á meðal sím­um, en tæp­lega 50 millj­arðar af þeim 200 sem við­skipta­toll­arnir munu ná til, telj­ast til vöru­flokka raf­tækja. 

Í umfjöllun Bloomberg kemur fram að fjár­festar í Banda­ríkj­unum ótt­ist að tolla­stríðið muni hafa alvar­leg áhrif á alþjóða­við­skipti, ef fram heldur sem horf­ir. Don­ald Trump seg­ist full­viss um að stefna hans sé sú eina rétt. Hann sak­aði Kín­verja auk þess um að skipta sér af kosn­ing­unum í Kína, ekki síst með því að ýta undir andúð bænda í Banda­ríkj­unum á fyrr­nefndum toll­um, en þeir gætu bitnað hart á útflutn­ingi á ýmsum vörum bænda til Kína.