Don­ald Trump Banda­ríkja­for­seti er afar ósáttur við að stýri­vextir Seðla­banka Banda­ríkj­anna hafi farið hækk­andi að und­an­förnu. Hann lét hafa eftir sér í vik­unni að seðla­bank­inn væri „brjál­að­ur“ og að vaxta­hækk­an­irnar væru arfa­vit­laus­ar. 

Vextir hafa farið hækk­andi í Banda­ríkj­unum að und­an­förnu og eru nú 2,25 pró­sent en því er spáð að þeir muni hækka nokkuð hratt upp í 3,5 pró­sent, árið 2020. Eftir ára­tugs tíma­bil lágra vaxta, á bil­inu 0 til 0,25 pró­sent, er nú staðan breytt, og ljóst að nokkuð krefj­andi tímar eru að taka við fyrir marga. 

Á und­an­förnum tveimur dögum hafa hluta­bréf fallið um meira en 6 pró­sent í Banda­ríkj­un­um, og hafa þær skýr­ingar verið nefnd­ar, að fjár­festar séu að færa fjár­magn frá hluta­bréfum yfir í skulda­bréf og aðrar eign­ir. Vísi­tölur hækk­uðu þó aðeins í gær, eftir tvo slæma daga í röð.

Christine Lag­ar­de, fram­kvæmda­stjóri Alþjóða­gjald­eyr­is­sjóðs­ins, lét hafa eftir sér á árs­fundi Alþjóða­gjald­eyr­is­sjóðs­ins á Indónesíu, að hún væri ekki á því að Seðla­banki Banda­ríkj­anna kæmi brjál­æði nokkuð við. 

Verð­bólgu­þrýst­ingur hefur auk­ist nokkuð í Banda­ríkj­unum að und­an­förnu, ekki síst vegna þess hve olía hefur hækkað hratt und­an­farna mán­uði. Tunnan af hrá­olíu hefur hækkað um meira en 40 pró­sent á fimm mán­uð­um.