Sam­keppn­is­eft­ir­litið hefur nú til skoð­unar kaup Árvak­urs hf. og 365 miðla hf. á Póst­mið­stöð­inni ehf., en með sam­run­anum hyggj­ast sam­runa­að­ilar sam­eina dreifi­kerfi sín fyrir dag­blöð, tíma­rit og fjöl­póst undir fyr­ir­tæk­inu Póst­mið­stöð­inni sem þeir hyggj­ast reka sem dótt­ur­fé­lag.  

Sam­keppn­is­eft­ir­litið hefur nú með sér­stakri til­kynn­ingu óskaði eftir sjón­ar­miðum allra þeirra sem telja sig eiga hags­muna að gæta vegna þessa fyr­ir­hug­aða sam­starfs og sam­rekst­urs risanna á fjöl­miðla­mark­aði.

Árvakur er útgáfu­fé­lag Morg­un­blaðs­ins og Torg ehf. dótt­ur­fé­lag 365 miðla er útgáfu­fé­lag Frétta­blaðs­ins. Um er að ræða stærstu dag­blöð lands­ins. Póst­mið­stöðin er félag sem starfar á sviði dreif­ing­ar, m.a. dag­blaða og fjöl­pósts. Póst­mið­stöðin er dreif­ing­ar­að­ili Frétta­blaðs­ins og ann­arra miðla. Lands­prent ehf. er dótt­ur­fé­lag Árvak­urs og hefur m.a. sinnt dreif­ingu Morg­un­blaðs­ins og ann­arra miðla.

„Sam­runa­að­ilar hafa lýst sig reiðu­búna til þess að tryggja aðgang þriðju aðila að dreifi­kerfi Póst­mið­stöðv­ar­inn­ar. Hefur Sam­keppn­is­eft­ir­litið kynnt sam­runa­að­ilum frum­mat sitt vegna sam­run­ans og gefið þeim færi á því að leggja til skil­yrði sem myndu leysa þau sam­keppn­is­legu vand­kvæði sem ann­ars leiða af sam­run­an­um. Hjá­lagðar til­lögur sam­runa­að­ila að skil­yrðum sem unnt væri að setja sam­run­anum bár­ust þann 12. októ­ber 2018,“ segir í til­kynn­ingu sam­keppn­is­yf­ir­valda.

Áréttað er í til­kynn­ingu Sam­keppn­is­eft­ir­lits­ins að það hefur ekki tekið afstöðu til fram­lagðra til­lagna sam­runa­að­ila.