Net­flix kom fjár­festum í opna skjöldu í dag með nýjum tölum sem sýndu mik­inn vöxt áskrif­enda. Þeir eru nú orðnir tæp­lega 140 millj­ónir um allan heim. 

Tæp­lega sjö millj­ónir áskrif­enda bætt­ust við frá júlí og fram til loka sept­em­ber, að því er segir í umfjöllun Wall Street Journal. 

Mark­aðsvirði félags­ins hefur auk­ist ævin­týra­lega á und­an­förnum árum, en það er nú tæp­lega 160 millj­arðar Banda­ríkja­dala, eða sem nemur um 20 þús­und millj­örðum króna. 

Net­flix hyggst halda áfram miklum vexti þegar kemur að fram­leiðslu á sjón­varps­þáttum og kvik­mynd­um, en í heild verður vöxt­ur­inn meira en 4 millj­arðar Banda­ríkja­dala, eða sem nemur um 500 millj­örðum króna, á þessu ári. Það þýðir að Net­flix er nú farið að nálg­ast umfang fram­leiðsl­unnar hjá Amazon og HBO, helstu keppi­naut­unum þegar kemur að efn­isveit­u­m. 

Net­flix var upp­haf­lega stofnað árið 1997 hefur hin síð­ari ár, vaxið hratt eftir að fyr­ir­tækið hóf að sækja á alþjóða­markað með ein­falda vöru; áskrift að efn­isveitu á net­inu, þar sem finna má fjöl­breytt sjón­varps­efn­i. 

Eitt vin­sælasta efnið sem Net­flix hefur fram­leitt eru þættir um fíkni­efna­stríðið í Kol­umbíu, Narcos. Fjórða sería er nú vænt­an­leg, 17. nóv­em­ber.

Tug­þús­undir áskrif­enda efn­isveit­unnar eru á Íslandi, en kann­anir hafa sýnt að allt að 80 þús­und séu með áskrift af Net­fl­ix.