Sonja Ýr Þor­bergs­dóttir er nýr for­maður BSRB. Þetta kemur fram í til­kynn­ingu frá banda­lag­inu.

Tveir lýstu yfir fram­boði til emb­ættis for­manns BSRB en kosið var til emb­ætt­is­ins á þingi BSRB í dag. Það voru Sonja Ýr Þor­bergs­dótt­ir, lög­fræð­ingur BSRB, og Vésteinn Val­garðs­son, stuðn­ings­full­trúi á Kleppi. 

Elín Björg Jóns­dótt­ir, frá­far­andi for­maður BSRB, til­kynnti í byrjun sum­ar­s að hún myndi ekki gefa kost á sér áfram.

Kosið var um nýjan for­mann BSRB á 45. þingi banda­lags­ins, sem fór fram á Hilton hót­el Nor­dica, í dag klukkan 14.

Þing BSRB kaus einnig tvo vara­for­menn og sex með­stjórn­endur í níu manna stjórn banda­lags­ins. Garðar Hilm­ars­son, for­maður Starfs­manna­fé­lags Reykja­vík­ur­borgar var kjör­inn 1. vara­for­maður og Arna Jak­obína Björns­dótt­ir, for­maður Kjalar – Stétt­ar­fé­lags starfs­manna í almanna­þjón­ustu var kjörin 2. vara­for­mað­ur. 

Með­stjórn­endur eru þau Árni Stefán Jóns­son, for­maður SFR, Helga Haf­steins­dótt­ir, for­maður Starfs­manna­fé­lags Dala- og Snæ­fells­nes­sýslu, Karl Rúnar Þórs­son, for­maður Starfs­manna­fé­laga Hafn­ar­fjarð­ar, Snorri Magn­ús­son, for­maður Lands­sam­bands lög­reglu­manna og Jón Ingi Cæs­ars­son, for­maður Póst­manna­fé­lags Íslands.

Þá voru kjörnir fjórir vara­menn í stjórn BSRB, þau Þór­veig Þor­móðs­dótt­ir, for­maður Félags starfs­manna stjórn­ar­ráðs­ins, Rita Arn­fjörð, for­maður Starfs­manna­fé­lags Kópa­vogs, Magnús Smári Smára­son, for­maður Lands­sam­bands slökkvi­liðs- og sjúkra­flutn­inga­manna, og Birna Frið­finns­dótt­ir, for­maður Toll­varða­fé­lags Íslands.