Hluta­bréfa­vísi­tala Nas­daq í Banda­ríkj­unum lækk­aði um 4,4 pró­sent í dag sem er mesta lækkun í sjö ár. Sér­stak­lega lækk­aði virði tækni­fyr­ir­tækja mik­ið, en sam­an­lagt lækk­aði verð­mið­inn á App­le, Amazon og Net­fl­ix, um 120 millj­arða Banda­ríkja­dala, eða sem nemur um 14.400 millj­örðum króna.

Sam­kvæmt umfjöllun Wall Street Journal er lækk­unin ekki síst rakin til vax­andi nei­kvæðni meðal fjár­festa yfir hækk­andi vöxtum á alþjóða­mörk­uðum og einnig vax­andi verð­bólgu­þrýst­ingi, ekki síst vegna þess að hröð hækkun olíu­verðs er nú farin að koma fram í hærra vöru­verði. Þá eru fjár­festar einnig sagðir áhyggju­fullir yfir við­skipta­stríði Kína og Banda­ríkj­anna, sem nú er í algleym­ingi.

Don­ald Trump Banda­ríkja­for­seti er vanur að vera með augun á hluta­bréfa­mark­aðn­um, og hefur í ófá skipti sagt að hluta­bréfa­verð hafi aldrei verið hærra, þegar hann fjallar um stöðu efna­hags­mála í Banda­ríkj­un­um. Und­an­farin miss­eri hefur hann gagn­rýnt Seðla­banka Banda­ríkj­anna harð­lega fyrir að vera að hækka vexti, en stýri­vextir í Banda­ríkj­unum eru nú 2,25 pró­sent og er útlit fyrir að þeir hækki í rúm­lega 3 pró­sent á næsta ári, sam­kvæmt efna­hags­spá bank­ans. 

Trump lét hafa eftir sér í dag að for­veri hans, Barack Obama, hefði búið við allt aðra stöðu en hann, því þá hefðu vextir verið nálægt núlli. Núna væri staðan önnur og það væri „óá­sætt­an­leg­t“. Sagði hann að bank­ann vera orð­inn „brjál­að­an“ á dög­un­um, og von­að­ist til þess að hann myndi snúa af braut vaxt­ana­hækk­ana. Jer­ome Powell er nú seðla­banka­stjóri, eftir að Trump skip­aði hann í starf­ið. 

Á íslenskum hluta­bréfa­mark­aði hefur ávöxtun ekki verið góð und­an­farna tólf mán­uði. Vísi­talan hefur lækkað um tæp­lega 6 pró­sent á því tíma­bili, en sé horft til árs­ins 2018 þá hefur hún lækkað um rúm­lega 14 pró­sent. 



Slök ávöxtun á mark­aðnum sést meðal ann­ars á nei­kvæðri ávöxtun inn­lendra hluta­bréfa­sjóða.