Tíu formenn veiðifélaga skrifa þingmönnum og vara við opnu sjókvíaeldi

laxeldi
Auglýsing

Tíu for­menn veiði­fé­laga á Norð­ur- og Vest­ur­landi segja í bréfi til þing­manna Norð­vest­ur­kjör­dæmis að fisk­eldi í opnum sjó­kvíum sé atlaga að búsetu í sveitum lands­ins. Vitnað er til þess að 280 lög­býli í Húna­vatns­sýslu hafi tekjur af lax­veiði auk margra jarða sem hafi tekjur af sil­ungs­veið­i. 

Í bréf­inu er sér­stak­lega vikið að því, að eldi í opnum sjó­kvíum geti kippt stoð­unum undan umfangs­mik­illi atvinnu­grein hjá bænd­um, og auk þess brotið upp sam­vinnu­skipu­lag bænda sem tryggir að tekjur af veið­inni dreif­ist um byggð­irn­ar. 

„Bændur og aðrir veiði­rétt­ar­eig­endur hafa lagt sig fram um að vernda, við­halda og umgang­ast þessa auð­lind með þeirri virð­ingu, sem henni ber,  þannig að orð­spor lax­veiðiáa verði sem allra best. Jafn­framt hafa verið settir miklir fjár­munir í að bæta aðstöðu veiði­manna s.s. með góðum aðbún­aði í veiði­húsum og aðgengi að veiði­svæðum með vega­lagn­ing­u. ­Tekjur af lax- og sil­ungs­veiði­hlunn­indum hafa í margar kyn­slóðir verið mjög mik­il­væg stoð við búskap fjöl­margra bænda í sveitum lands­ins. Ef þessi verð­mæti skerð­ast verður fót­unum kippt undan afkomu fjöl­skyldna um allt land. Laga­leg umgjörð um sam­vinnu­fé­lög bænda í tengslum við veiðiár tryggir að tekj­urnar dreifast með lýð­ræð­is­legum hætti innan sveita. 

Auglýsing

Þessi verð­mæti eru ekki aðeins í hættu vegna þeirrar óhjá­kvæmi­legu erfða­blönd­unar sem verður þegar eld­is­fiskur af norskum upp­runa gengur upp í árn­ar, heldur verður skað­inn strax þegar eld­is­fiskur veiðist í ánum. Orð­spor við­kom­andi veiðiár bíður þá hnekki og verð­mæti hlunn­inda hennar minn­kar,“ segir í bréf­in­u. 

Þá segir enn fremur að nauð­syn­legt sé að koma í veg fyrir að eldi í opnum sjó­kvíum verði opnað í Ísa­fjarð­ar­djúpi. „Koma þarf í veg fyrir að til­rauna­eldi í opnum sjó­kvíum fari ofan í Ísa­fjarð­ar­djúp. Óboð­legt við þær aðstæður sem eru uppi að setja niður opnar sjó­kvíar í fleiri firði við landið en eru þar nú þeg­ar. Hægt er að fá allar nauð­syn­legar upp­lýs­ingar frá þeim sjó­kvía­eld­is­fyri­tækjum sem eru þegar starf­andi. Fréttir frá því í sumar af því að eld­is­fiskur hefur veiðst á ám sem eru víðs­fjarri sjó­kvía­eldi sýna okkur sem ekki verður um villst að eld­is­fikur ferð­ast langa vega­lengd. Gjarnan 400 til 600 km áður en henn gengur upp í ár, þetta stað­festa rann­sóknir í Nor­eg­i.“

Bréfið fer hér að neðan í heild sinn­i: 

Alþing­is­menn og ráð­herrar Norð­vest­ur­kjör­dæm­is.

Í fram­haldi af ágætum fundi með alþing­is­mönnum Norð­vest­ur­s­kjör­dæmis ( HB, LRM, SPJ og GB ) þann 15. októ­ber s.l. eru hér á eftir til­færð helstu áherslu­at­riði sem nefndar voru á fund­in­um.

Til­efni fund­ar­ins sem boðað var til að ósk for­svars­manna veiði­fé­laga í Húna­vatns­sýslu, er fyr­ir­hugað sjó­kvía­eldi á laxi í opnum sjó­kvíum í Ísa­fjarð­ar­djúpi.

1) Eldi í opnum sjó­kvíum er atlaga að búsetu í sveit­u­m Í  Húna­vatns­sýslu eru um 280 lög­býli sem hafa tekjur af lax­veiði­hlunn­ind­um, auk margra jarða sem hafa tekjur af sil­ungs­veiði.

Bændur og aðrir veiði­rétt­ar­eig­endur hafa lagt sig fram um að vernda, við­halda og umgang­ast þessa auð­lind með þeirri virð­ingu, sem henni ber,  þannig að orð­spor lax­veiðiáa verði sem allra best. Jafn­framt hafa verið settir miklir fjár­munir í að bæta aðstöðu veiði­manna s.s. með góðum aðbún­aði í veiði­húsum og aðgengi að veiði­svæðum með vega­lagn­ingu.



Tekjur af lax- og sil­ungs­veiði­hlunn­indum hafa í margar kyn­slóðir verið mjög mik­il­væg stoð við búskap fjöl­margra bænda í sveitum lands­ins. Ef þessi verð­mæti skerð­ast verður fót­unum kippt undan afkomu fjöl­skyldna um allt land. Laga­leg umgjörð um sam­vinnu­fé­lög bænda í tengslum við veiðiár tryggir að tekj­urnar dreifast með lýð­ræð­is­legum hætti innan sveita. 

Þessi verð­mæti eru ekki aðeins í hættu vegna þeirrar óhjá­kvæmi­legu erfða­blönd­unar sem verður þegar eld­is­fiskur af norskum upp­runa gengur upp í árn­ar, heldur verður skað­inn strax þegar eld­is­fiskur veiðist í ánum. Orð­spor við­kom­andi veiðiár bíður þá hnekki og verð­mæti hlunn­inda hennar minnk­ar.

Lax­veiði í Huna­vatns­sýslum og reyndar víða um land er mik­il­vægur þáttur þeim hluta dýrasta hluta ferða­manna­iðn­að­ar­ins. Þó það fari ekki hátt þá heim­sækja árnar margir auð­ugir ferða­menn. Þessir aðilar leggja mikið upp úr að árnar séu sjálf­bærar og allt umhverfi sé i sátt við nátt­úr­una. Í við­tölum við erlenda veiði­menn hafa oft komið fram áhyggjur þeirra af áhrifum lax­eldis í sjó á stofna ánna. Við erum því í þessu sam­bandi bæði að tala um raun­veru­leg áhrif þ.e. eld­is­lax gengur í á, en einnig áhrif á orð­spor allra ann­arra áa gangi eld­is­lax í eina á. 



Koma þarf í veg fyrir að til­rauna­eldi í opnum sjó­kvíum fari ofan í Ísa­fjarð­ar­djúp. Óboð­legt við þær aðstæður sem eru uppi að setja niður opnar sjó­kvíar í fleiri firði við landið en eru þar nú þeg­ar. Hægt er að fá allar nauð­syn­legar upp­lýs­ingar frá þeim sjó­kvía­eld­is­fyri­tækjum sem eru þegar starf­andi. Fréttir frá því í sumar af því að eld­is­fiskur hefur veiðst á ám sem eru víðs­fjarri sjó­kvía­eldi sýna okkur sem ekki verður um villst að eld­is­fikur ferð­ast langa vega­lengd. Gjarnan 400 til 600 km áður en henn gengur upp í ár, þetta stað­festa rann­sóknir í Nor­egi.

Með því að setja niður sjó­kvía­eldi í Djúpið er kom­inn eld­is­lax í næsta nágrenni við hún­vetnsku árn­ar. Í því sam­bandi er rétt að minna á að fjar­lægð frá fyr­ir­hug­uðum kvíum í Djúp­inu í árnar í Húna­vatns­sýslu er á milli 200 til 300 km.



2) Eldi í opnum sjó­kvíum ógnar villtum laxa­stofnum

Norskir vís­inda­menn hafa stað­fest að 66% villtra stofna í Nor­egi hafa skað­ast vegna erfða­blönd­un­ar. Gera má ráð fyrir að einn eld­is­lax sleppi úr hverju einu tonni sem alið er í sjó­kví­um. Það þýðir að 71.000 eld­is­laxar sleppi í sjó við Ísland á hverju ári ef áform um 71.000 tonna eldi ná fram að ganga. Til sam­an­burðar er talið að hrygn­ing­ar­stofn íslenska lax­ins sé um 40.000 fisk­ar. Norski eld­is­lax­inn hefur verið rækt­aður um langa hríð sem hrað­vaxta hús­dýr og ber með sér erfða­eig­in­leika sem geta verið mjög skað­legir þegar þeir bland­ast villtum stofnum og dregið stór­lega úr mögu­leikum þeirra til að kom­ast af í nátt­úr­unni.

--- Erfða­blönd­unin er ekki eina hættan þegar fiskur sleppur úr opnum sjó­kví­um. Við­vera eld­is­fisk ein og sér skaðar afkomu­mögu­leika villtra stofna. Eld­is­fisk­ur­inn gengur seinna í árn­ar, leitar á sömu hrygn­ing­ar­staði og getur rótað þar upp og spillt fyrir hrygn­ingu villtra stofna.

- Við þetta bæt­ist eitr­anir vegna laxalús, lúsin sjálf, nýrna­veiki og aðrir fisk­sjúk­dómar sem grass­era í kví­un­um.



Virð­ing­ar­fyllst.



25. októ­ber  2018.



Krist­inn Guð­munds­son, for­maður Veiði­fé­lags Hrúta­fjarð­arár og Síkár

Þor­steinn B. Helga­son, for­maður Veiði­fé­lags Mið­firð­inga

Björn Magn­ús­son, for­maður Veiði­fé­lags Víði­dalsár

Birgir Ing­þórs­son, for­maður Veiði­fé­lags Gljúfurár

Magnús Ólafs­son, for­maður Veiði­fé­lags Vatns­dalsár

Páll Á Jóns­son, for­maður Veiði­fé­lags Laxár á Ásum

Oddur Hjalta­son, for­maður Veiði­fé­lags Fremri - Laxár

Sig­urður Ingi Guð­munds­son, for­maður Veiði­fé­lags Blöndu og Svartár

Anna Mar­grét Jóns­dótt­ir, for­maður Veiði­fé­lags Laxár á Refa­sveit

Magnús Berg­mann Guð­manns­son, for­maður Veiði­fé­lags Hallár.





Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Samkeppniseftirlitinu falið að kortleggja stjórnunar- og eignatengsl í sjávarútvegi
Matvælaráðuneytið mun fá skýrslu um stjórnunar- og eignatengsl í sjávarútvegi afhenta fyrir lok næsta árs. Þar verða eignatengsl sjávarútvegsfyrirtækja sem hafa fengið ákveðið umfang aflaheimilda úthlutað, og áhrifavald eigenda þeirra, kortlögð.
Kjarninn 5. október 2022
Mette Frederiksen forsætisráðherra Danmerkur og formaður Sósíaldemókrataflokksins.
Kosið til þings í Danmörku 1. nóvember – Frederiksen vill mynda breiða ríkisstjórn
Mette Frederiksen forsætisráðherra Danmerkur tilkynnti á blaðamannafundi í morgun að þingkosningar yrðu haldnar í landinu 1. nóvember, eða eftir tæpar fjórar vikur.
Kjarninn 5. október 2022
Heiðrún Jónsdóttir.
Heiðrún ráðin framkvæmdastjóri Samtaka fjármálafyrirtækja
Katrín Júlíusdóttir hætti skyndilega sem framkvæmdastjóri SFF um síðustu mánaðamót. Nú hefur nýr framkvæmdastjóri verið ráðinn og hún hefur þegar hafið störf.
Kjarninn 5. október 2022
Raddir margbreytileikans
Raddir margbreytileikans
Raddir margbreytileikans – 30. þáttur: „Hnattræni þróunariðnaðurinn er mjög yfirgrípandi hugtak yfir mjög fjölbreytilegan geira“
Kjarninn 5. október 2022
Ásgeir Jónsson seðlabankastjóri er formaður peningastefnunefndar.
Stýrivextir hækka í níunda skiptið í röð – Nú upp í 5,75 prósent
Stýrivextir hafa verið hækkaðir upp í 5,75 prósent. Greiðslubyrði margra heimila mun fyrir vikið þyngjast. Ákvarðanir í atvinnulífi, á vinnumarkaði og í ríkisfjármálum munu skipta miklu um þróun vaxta á næstu misserum, að sögn peningastefnunefndar.
Kjarninn 5. október 2022
Bjarni Benediktsson, Katrín Jakobsdóttir og Sigurður Ingi Jóhannsson, formenn ríkissjórnarflokkanna, sendu frá sér yfirlýsingu í apríl þar sem segir að ekki verði ráðist í frekari sölu á hlutum ríkissin í Íslandsbanka að sinni. Sú yfirlýsing stendur enn.
Standa enn við að ekki verði ráðist í frekari sölu á hlutum í Íslandsbanka
Fjármálaráðherra sagði mikilvægt að halda áfram að selja hlut ríkisins í Íslandsbanka við kynningu fjárlagafrumvarpsins. Í yfirlýsingu stjórnarflokkanna frá því í vor segir að ekki verði ráðist í sölu á frekari hlutum bankans að sinni. Hún gildir enn.
Kjarninn 5. október 2022
Eyþór Arnalds var oddviti Sjálfstæðisflokksins í Reykjavík.
Félag Eyþórs hagnaðist um 388,4 milljónir vegna afskriftar á láni frá Samherja
Eigið fé félags Eyþórs Arnalds fór úr því að vera neikvætt um 305 milljónir í að vera jákvætt um 83,9 milljónir í fyrra. Félag í eigu Samherja afskrifaði seljendalán sem veitt var vegna kaupa í útgáfufélagi Morgunblaðsins.
Kjarninn 4. október 2022
Neyðarúrræði en ekki neyðarástand
Fjöldahjálparstöð fyrir umsækjendur um alþjóðlega vernd hefur verið opnuð í skrifstofuhúsnæði í Borgartúni þar sem Vegagerðin var áður til húsa. Hægt verður að taka á móti 150 manns að hámarki og miðað er við að fólk dvelji ekki lengur en þrjár nætur.
Kjarninn 4. október 2022
Meira úr sama flokkiInnlent