Demókratar styrkja stöðu sína í þinginu með meirihluta í fulltrúadeildinni

Repúblikanar misstu meirihlutann í fulltrúadeildinni til Demókrata í miðkjörtímabilskosningunum í Bandaríkjunum. Álitsgjafar eru þó á því, að Demókratar eigi langt í land með að ná upp nægilegum styrk til að halda Trump forseta betur við efnið.

Donald Trump
Auglýsing

Demókratar styrktu stöðu sína á Banda­ríkja­þingi með því að ná meiri­hluta í full­trúa­deild­inni í mið­kjör­tíma­bils­kosn­ing­un­um. 

Þetta veikir stöðu Repúblik­ana og Don­alds Trumps Banda­ríkja­for­seta, þar sem erf­ið­ara verður fyrir for­set­ann og flokk­inn að ná málum í gegn.

Eins og staða mála hefur verið frá því Trump tók við sem for­seti í byrjun árs í fyrra, eftir kosn­ingu í nóv­em­ber 2016, hafa Repúblikanar meiri­hluta í báðum deildum og hafa því átt auð­veld­­ara með að koma málum í gegn, þar á meðal fjöl­­mörgum umdeildum stefn­u­­málum Trumps Banda­­ríkja­­for­­seta.

Auglýsing



Öld­unga­­deildin er efri deild Banda­­ríkja­­þings en neðri deildin er full­­trú­a­­deild­in. Lög­­gjaf­­ar­­vald­inu í þing­inu eru þannig skipt milli þess­­ara deilda. Til að lög telj­ist gild þarf að sam­­þykki beggja deilda.

Kosið var um öll 435 sætin í full­­trú­a­­deild og 35 sæti af 100 í öld­unga­­deild­inn­i. Sam­kvæmt tölum þegar þetta er skrif­að, er því spáð að Demókratar nái 230 sætum í full­trúa­deild­inni en Repúblikanar 205. 

Í öld­unga­deild­inni verða Repúblikanar með traustan meiri­hluta. 

En hvað stendur upp úr eftir kosn­ing­arn­ar, þegar þetta er skrifað (04:23),og hvað þýðir þetta fyrir hið póli­tíska lands­lag í Banda­ríkj­un­um?



- Nið­ur­stað­an, það er á heild­ina lit­ið, er í takt við kann­anir og þá einkum spá vefs­ins FiveT­hir­tyEight. Þetta eru ekki óvæntar nið­ur­stöð­ur, en breyta miklum um völdin í þing­inu. Trump hefur haft sterka stöðu með Repúblik­ana í meiri­hluta í báðum deildum þings­ins, og því hefur verið auð­velt að koma málum í gegn­um. Þetta breyt­ist nún­a. 

- Eitt af því sem skiptir miklu máli er að full­trúa­deildin hefur mikil völd, þegar kemur að rann­sóknum og ýmsu sem snýr að innra starfi þings­ins. Demókratar hafa sagt - og lof­uðu því fyrir kosn­ingar - að halda Trump við efn­ið, meðal ann­ars með því að kalla eftir skatta­gögnum hans og rann­saka hvort hann hafi svikið und­an­skatt­i. 

- Kosið var um 36 rík­is­stjóra af 50, en nið­ur­stöður liggja ekki fyrir þegar þetta er skrif­að. Repúblikanar unnu mik­il­væga sigra í Flor­ída, Texas og Ohio, en kann­anir sýndu í aðdrag­anda kosn­inga að til­tölu­lega jafnt yrði á munum í þessum ríkj­um. Það reynd­ist rétt, en full­trúar Repúblik­ana höfðu bet­ur. Rík­is­stjórar eru í mik­il­vægu emb­ætti, þegar kemur að kosn­ing­um, þar sem þeir ráða miklum um kjör­dæma­skipan innan ríkj­anna, sem getur skipt miklum máli fyrir heild­ar­mynd­ina. 

- Konur styrktu stöðu sína veru­lega í þing­inu og eru nú orðnar meira en 20 pró­sent af heild­ar­fjölda í full­trúa­deild, í fyrsta skipti. Góður árangur kvenna skipti sköpum fyrir Demókrata.

- Lík­legt er að Repúblikanar muni þurfa að semja í meira mæli við Demókrata um fram­gang mála í þing­inu.

- Fylgi við Demókrata er - líkt og 2016 - mun meiri á borg­ar­svæðum í Banda­ríkj­unum heldur en Repúblikanar ná. Heild­ar­at­kvæða­fjöldi virð­ist ætla að vera tölu­vert meiri hjá Demókröt­um. Þeir styrktu einnig stöðu sína í úthverf­um, en dreif­býlið er áfram helsta vígi Repúblik­ana. Þetta mynstur heldur áfram birtast, eins og í und­an­förnum kosn­ingum í Banda­ríkj­un­um.

- Þrátt fyrir að Demókratar nái sterk­ari stöðu, er staða Repúblikana, og Trumps for­seta, ennþá sterk. Útkoman sýndi einnig, að þar sem Trump steig inn á sviðið - í aðdrag­anda kosn­inga - þá virð­ist sem ræður hans og sam­komur hafi skipti miklu máli við að safna fylgi við full­trúa Repúblik­ana. Þetta átti við um Flór­ída, Ohio og Texas, meðal ann­ars. Don­ald Trump hefur þegar tjáð sig á Twitt­er, og seg­ist ánægður með útkom­una. 



Kyrrsetningu Max-véla verður aflétt en spurningin er hvenær
Mikilvægur fundur fer fram í Texas í dag, þar sem fulltrúar flugmálayfirvalda í heiminum fá upplýsingar frá Boeing um uppfærslu á hugbúnaði í 737 Max vélum félagsins. Þær hrannast upp á framleiðslusvæði félagsins í Renton vegna alþjóðlegrar kyrrsetningar.
Kjarninn 23. maí 2019
Rósa Björk Brynjólfsdóttir og Þórhildur Sunna Ævarsdóttir.
Framkvæmdastjórn Evrópuráðsþingsins hafnar öfga-hægri flokki
Rósa Björk Brynjólfsdóttir og Þórhildur Sunna Ævarsdóttir leiddu andstöðu við að viðurkenna stjórnmálahóp sem gefur sig út fyrir að vera á móti innflytjendum og hælisleitendum.
Kjarninn 23. maí 2019
Örn Bárður Jónsson
Réttilega að málum staðið
Kjarninn 23. maí 2019
3.839 íbúðir í byggingu á Íslandi
Þjóðskrá Íslands hefur hafið birtingu á nýjum gögnum um fjölda íbúða í byggingu.
Kjarninn 23. maí 2019
Búið að vísa Klausturmálinu til siðanefndar Alþingis
Tveir tímabundnir varaforsetar forsætisnefndar hafa vísað Klausturmálinu, sem snýst um drykkjutal sex þingmanna Miðflokksins, til siðanefndar Alþingis.
Kjarninn 23. maí 2019
Ólafur Páll Jónsson
Yfir strikið
Leslistinn 23. maí 2019
Selja helming í HS Orku til Ancala Partners og færa hlut í Bláa lóninu út
Félag í eigu 14 íslenskra lífeyrissjóða keypti í dag öll hlutabréf í HS Orku sem það átti ekki fyrir, seldi helming þeirra síðan til bresks sjóðsstýringarfyrirtækis en seldi nýju félagi lífeyrissjóða fyrst 30 prósent hlut í Bláa lóninu á 15 milljarða.
Kjarninn 23. maí 2019
Aðkomu Ross Beaty, sem verið hefur stjórnarformaður HS Orku undanfarin ár, að fyrirtækinu fer senn að ljúka.
Lífeyrissjóðirnir búnir að kaupa Innergex út úr HS Orku
Félag í eigu 14 íslenskra lífeyrissjóða hefur keypt 53,9 prósent hlut í HS Orku á 37,3 milljarða króna. Það mun að öllum líkindum eignast allt hlutafé í HS Orku. Að minnsta kosti um stund.
Kjarninn 23. maí 2019
Meira úr sama flokkiErlent