Jeff Sessions er hættur sem dóms­mála­ráð­herra Banda­ríkj­anna. Í umfjöllun New York Times segir að hann hafi í reynd verið rek­inn, það er þving­aður til að segja af sér. 

Mað­ur­inn sem hefur tekið við af Sessions, tíma­bund­ið, er þekktur fylg­is­maður Trumps, Matt­hew Whitta­ker, sem hefur starfað í dóms­mála­ráðu­neyt­in­u. 

Í umfjöllun New York Times segir að Trump hafi að und­an­förnu beitt vax­andi þrýst­ingu á Sessions, vegna rann­sóknar Roberts Muell­ers, sak­sókn­ara, sem nú er sögð teygja anga sína að per­sónu­legum fjár­málum Trumps og fjöl­skyldu  hans. 

Rann­sókn Muell­ers bein­ist meðal ann­ars að því hvort Rússar hafði haft ein­hver tengsl við fram­boð Trumps árið 2016, og hvort þeir hafi beitt sér með óeðli­legum hætti til að ýta undir mögu­leik­ann á sigri Trumps. 

Trump hefur kallað rann­sókn­ina norna­veið­ar, og hefur meðal ann­ars kennt Sessions um hversu umfangs­mikil hún er orð­in. Sessions hefur sagt að hann muni ekki hafa afskipti af rann­sókn­um, á meðan hann er dóms­mála­ráð­herra. 

Demókratar unnu meiri­hluta í full­trúa­deild Banda­ríkja­þings í kosn­ing­unum í gær, og eru meðal ann­ars í stöðu til að hefja rann­sóknir og krefj­ast gagna um for­set­ann og fjár­mál hans. 

Þá þarf sam­þykkti bæði full­trúa­deild­ar­innar og öld­unga­deild­ar­innar til að ná fram sam­þykki laga í þing­in­u.