Björn Ingi stofnar nýjan „borgaralega sinnaðan“ fjölmiðil

Fyrrverandi stjórnandi og aðaleigandi Pressusamstæðunnar, sem fór í þrot í fyrra, hefur stofnað nýjan fjölmiðil.

Björn Ingi Hrafnsson.
Björn Ingi Hrafnsson.
Auglýsing

Björn Ingi Hrafns­son hefur stofnað nýjan vef­mið­il, Vilj­inn.is. Hann greindi frá þessu á Face­book-­síðu sinni fyrr í dag. Þar segir að form­leg opnun verði á næstu dögum en mið­ill­inn hefur enn sem komið er ekki verið skráður hjá fjöl­miðla­nefnd

Á heima­síðu mið­ils­ins kemur fram að Björn Ingi sé rit­stjóri hans og að útgef­andi sé Hrafn Björns­son, faðir hans. Rétt­hafi léns­ins er fyr­ir­tækið Glerfilmur ehf. í eigu Hrafns. Þar segir enn fremur að uppi séu „kjörað­stæður fyrir nútíma­legan og borg­ara­lega sinn­aðan vef­miðil sem hefur góða blaða­mennsku að höf­uð­mark­miði og veitir almenn­ingi þá mik­il­vægu þjón­ustu að sía það mark­verð­asta úr upp­lýs­inga­flóð­inu og vera allt í senn virk frétta­veita og um leið vett­vangur fyrir þjóð­fé­lags­um­ræð­una og aðgangur að hag­nýtum og nauð­syn­legum upp­lýs­ing­um.

Vilj­inn er slíkur mið­ill. Hann hefur skoðun á mál­um, vill að betur sé hugað að eldri borg­urum og barna­fjöl­skyld­um, vill huga að gömlum og góðum gildum og telur að gera þurfi stór­á­tak í hús­næð­is­málum til að skapa sátt milli kyn­slóð­anna. Vilj­inn er öðrum þræði hug­veita fyrir áhuga­verðar til­lögur um það sem betur má fara og mun m.a. gang­ast fyrir ráð­stefn­um, skoð­ana­könn­unum og fleiru.“

Vilj­inn verður fjár­magn­aður með sölu aug­lýs­inga og beinum stuðn­ingi les­enda.

Ég var að verða níu ára vestur á Flat­eyri við Önund­ar­fjörð þegar ég ákvað að verða blaða­mað­ur. Ég stofn­aði þá blað­ið...

Posted by Björn Ingi Hrafns­son on Sat­ur­day, Novem­ber 10, 2018

Stýrði Press­unni

Björn Ingi, sem er fyrr­ver­andi borg­­ar­­full­­trúi Fram­­sókn­­ar­­flokks­ins, var lengst af helsti for­svar­s­­maður Pressu­sam­stæð­unnar og einn stærsti eig­andi. Hann missti yfir­ráð yfir henni í fyrra og Pressan var tekin til gjald­þrota­skipta í des­em­ber 2017.

Kjarn­inn greindi frá því í októ­ber að skipta­­stjóri þrota­­bús Press­unn­ar vilji láta rifta ráð­­stöf­unum á fjár­­munum upp á sam­tals um 400 millj­­ónir króna.

Málin hafa þegar verið þing­­fest í hér­­aði en ekki til lykta leidd, en að mati skipta­­stjóra, Krist­jáns B. Thor­lacius hrl., var jafn­fræðis ekki gætt meðal kröf­u­hafa félags­­ins í þeim til­­vikum þar sem nú hefur verið óskað eftir rift­un.

Krist­ján varð­ist frétta af mál­inu, í sam­tali við Kjarn­ann, og vildi ekki veita upp­­lýs­ingar um þessi rift­un­­ar­­mál sem Kjarn­inn hefur heim­ildir fyrir að nú séu komin inn á borð dóm­stóla.

amtals var kröfum upp á 315 millj­­ónir króna lýst í þrotabú Pressunnar og um 235 millj­­ónum króna í bú DV ehf., sem var í eigu Press­unn­­ar.

Auglýsing
Kröfulýsingafrestur í þrotabú DV rann út í maí. Meðal krafna voru meðal ann­­ars yfir 50 millj­­óna for­­gangs­­kröfur vegna van­­gold­inna launa og líf­eyr­is­greiðslna.

Almennar kröfur voru upp á 183,5 millj­­ónir króna og var stærsta krafan frá Toll­­stjóra vegna opin­berra gjalda, að því er fram kom í frétt RÚV í maí síð­­ast­liðn­­­um.

Rekstur Pressunnar hafði lengi verið í full­komnu upp­­­námi áður en félagið var loks tekið til gjald­­þrota­­skipta, enda skuld­aði félagið meðal ann­­ars líf­eyr­is­­sjóð­um, stétt­­ar­­fé­lögum og hinu opin­bera hund­ruð millj­­óna króna.

Slíkt er vita­skuld óheim­ilt sam­­kvæmt lög­­um, og refs­ing við­lögð við því að standa ekki skila á þessum gjöld­um, fyrir ábyrgð­­ar­­menn rekst­­ur­s­ins.

Rétt áður en Pressan varð gjald­­þrota, keypti félagið Frjáls fjöl­miðlun ehf., sem Sig­­urður G. Guð­jóns­­son hrl. á, stóran hluta af eignum Press­unn­­ar.

Meðal ann­­ars voru það DV, Pressan, Eyj­an, Bleikt og 433.­is. Síðan þá hafa flestir fjöl­mið­l­­arnir farið undir vef DV.­is.

Auglýsing
Frjáls fjöl­miðlun ehf., sem rekur DV og fleiri fjöl­miðla, tap­aði 43,6 millj­­­ónum króna á þeim tæpu fjórum mán­uðum sem félagið var starf­andi á árinu 2017. Tekjur þess voru 81,4 millj­­­ónir króna frá því að félagið hóf starf­­­semi í sept­­­em­ber 2017 og fram að ára­­­mót­­­um.

Eig­andi Frjálsrar fjöl­mið­l­unar er félagið Dals­dalur ehf. Eini skráði eig­andi þess er Sig­­­urður G. Guð­jóns­­­son lög­­­­­maður sem er einnig skráður fyr­ir­svar­s­­­maður Frjálsrar fjöl­mið­l­unar hjá Fjöl­miðla­­­nefnd.

Ný kennitala og tap

Frjáls fjöl­miðlun hóf starf­­­semi í sept­­­em­ber 2017. Heild­­­ar­tap fyrir skatta var 54,5 millj­­­ónir króna en skatt­inn­­­eign skil­aði félag­inu 10,9 milljón króna í tekjur sem töldu á móti.

Alls eru eignir Frjálsrar fjöl­mið­l­unar metnar á 529 millj­­­ónir króna. Þar af eru óefn­is­­­legar eignir bók­­­færðar á 470 millj­­­ónir króna.

Skuldir félags­­­ins, sem er ein stærsta einka­rekna fjöl­miðla­­­sam­­­steypa lands­ins, voru 542 millj­­­ónir króna um síð­­­­­ustu ára­­­mót og  var stofnað til þeirra á síð­­­asta ári. Þar munar mest um 425 milljón króna skuld við eig­and­ann, Dals­­­dal ehf. Sú skuld, sem virð­ist vaxta­­­laus, á að greið­­­ast til baka á árunum 2018 til 2022, 85 millj­­­ónir króna á ári. Ekki kemur fram í árs­­­reikn­ingi Dals­dals ehf. hver lán­aði því félagi fjár­­­­­magn til að lána Frjálsri fjöl­miðlun en þar segir að Dals­dalur eigi að greiða þeim aðila alla upp­­­hæð­ina til baka í ár, 2018.

Þá kemur fram í árs­­­reikn­ingi Frjálsrar fjöl­mið­l­unar að ógreitt kaup­verð eigna væri 53 millj­­­ónir króna í árs­­­lok 2017. Eigið fé félags­­­ins var nei­­­kvætt um 13,3 millj­­­ónir króna um síð­­­­­ustu ára­­­mót, inn­­­greitt hlutafé var 30 millj­­­ónir króna og félagið átti 14,6 millj­­­ónir króna í hand­­­bæru fé.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Efsta lagið á Íslandi á nær öll verðbréf í beinni eigu einstaklinga hérlendis
Á sex ára tímabili hefur verðbréfaeign Íslendinga vaxið um 192 milljarða króna, eða um 52 prósent. Af þeirri upphæð hefur 175 milljarðar króna farið til þeirra tíu prósenta landsmanna sem mest eiga, eða 91 prósent.
Kjarninn 27. september 2020
Vörur Gaza Company byggja hvort tveggja á íslenskum og palenstínskum hefðum í saumaskap.
Gjöf frá Gaza
Markmið verkefnisins Gjöf frá Gaza er að hjálpa palestínskum konum að halda fjárhagslegu sjálfstæði sínu svo þær geti framfleytt sér og fjölskyldum sínum. Nú má kaupa vörur Gaza Company á Karolinafund og styðja þannig við verkefnið.
Kjarninn 27. september 2020
Eggert Gunnarsson
Stórihvellur
Kjarninn 27. september 2020
Sólveig Anna Jónsdóttir
Nokkur orð um stöðuna
Kjarninn 27. september 2020
Halldór Benjamín var gestur í Silfrinu í dag.
Segir algjöran skort hafa verið á samtali
Halldór Benjamín Þorbergsson sagði í Silfrinu í morgun að verkalýðshreyfingin hefði hafnað því að eiga í samtali um útfærsluatriði Lífskjarasamnings. Kosning fyrirtækja innan SA um afstöðu til uppsagnar kjarasamninga hefst á morgun.
Kjarninn 27. september 2020
Tuttugu ný smit innanlands – fjölgar á sjúkrahúsi
Fjórir einstaklingar liggja nú á sjúkrahúsi vegna COVID-19 og fjölgar um tvo milli daga. Einn sjúklingur er á gjörgæslu.
Kjarninn 27. september 2020
Framundan er stór krísa en við höfum val
„Okkar lærdómur af heimsfaraldrinum er sá að við höfum gengið of hart fram gagnvart náttúrunni og það er ekki víst að leiðin sem við vorum á sé sú besta,“ segir Stefán Gíslason, umhverfisstjórnunarfræðingur.
Kjarninn 27. september 2020
James Albert Bond er hér til vinstri ásamt Daniel Craig sem hefur farið með hlutverk njósnarans James Bond síðustu ár.
Bond, James Bond
Margir kannast við eina frægustu persónu hvíta tjaldsins, James Bond njósnara hennar hátignar. Sem ætíð sleppur lifandi, þótt stundum standi tæpt. Færri vita að til var breskur njósnari með sama nafni, sá starfaði fyrir Breta í Póllandi.
Kjarninn 27. september 2020
Meira úr sama flokkiInnlent