Dóm­stóll í Banda­ríkj­unum hefur kom­ist að þeirri nið­ur­stöðu að Hvíta húsið hafi brotið á stjórn­ar­skrár­vörðum rétt­indum Jim Acosta, frétta­manns CNN, þegar hann var sviptur aðgangi að Hvíta hús­inu. Dóm­ar­inn, sem var skip­aður af Don­ald Trump í fyrra, sagði að ákvörð­unin fæli í sér brot á fyrstu og fimmtu grein stjórn­ar­skrár Banda­ríkj­anna. Hvíta húsið þarf því að skila Acosta aðgeng­ispassa hans sem var gerður upp­tækur í síð­ustu viku. CNN greinir frá.

CNN höfð­aði mál gegn Don­ald Trump Banda­ríkja­for­seta og nokkrum starfs­mönnum Hvíta húss­ins vegna ákvörð­un­ar­innar um að svipta Acosta aðgengi. Sú ákvörðun kom í kjöl­far þess að Acosta og Trump áttu í orða­skiptum á blaða­manna­fundi þegar sá fyrr­nefndi spurði for­set­ann út í flótta­manna­mál og hvort hann hafi notað þau sem vopn í nýaf­stöðnum kosn­ingum þar sem hann tal­aði ítrekað um að inn­rás í Banda­ríkin væri yfir­vof­andi. Trump brást fok­illur við og sagði m.a.: „Ég held að þú ætt­­ir að stjórna CNN og leyfa mér að stjórna land­in­u.“ Síðar sagði hann að Acosta væri „dóna­­leg­ur og hræði­leg mann­eskja sem ætti ekki að vinna fyr­ir CNN.“

Í kjöl­farið var Acosta sviptur aðgeng­ispassa sínum að Hvíta hús­inu og var það rök­stutt með því að hann hann hefði lagt hendur á lær­ling sem reyndi að taka af honum hljóð­nema eftir að Trump hafi gefið til kynna að hann vildi ekki svara spurn­ingum Acosta. Sara Hucka­bee Sand­­ers, upp­­lýs­inga­­full­­trúi Hvíta hús­s­ins, deildi m.a. mynd­bandi á sam­fé­lags­miðlum af atburð­inum sem átti að sýna að Acosta hefði lagt hendur á lær­ling­inn. Síðar kom í ljós að þar  var um að ræða mynd­band sem átt hafði verið við og hafði upp­runa­lega birst á sam­sær­is­kenn­inga­vefnum InfoWars.

Ýmsir fjöl­miðlar studdu mála­rekstur CNN. Þar á meðal var Fox News sem hefur verið mjög hlið­hollt Trump síðan að hann tók við for­seta­emb­ætt­inu.