Allar breyt­ing­ar­til­lögur að fjár­lögum sem lagðar voru fram af stjórn­ar­and­stöðu­flokkum voru felldar í annarri umræðu um fjár­lög á Alþingi í gær. Þing­flokk­ar ­Sam­fylk­ing­ar­inn­ar, Pírata, Mið­flokks­ins og flokki fólks­ins lögðu allir fram sínar breyt­ing­ar­til­lögur við fjár­laga­frum­varpið en allar þær til­lögur voru felldar í atkvæða­greiðslu Alþingis í gær. All­ar breyt­ing­­ar­til­lög­ur meiri­hluta fjár­­laga­­nefnd­ar við fjár­­laga­frum­varpið voru hins vegar sam­þykktar og fer frum­varpið því til fjár­laga­nefndar en þriðja umræða fer fram á Al­þingi í dag. 

Breyt­ing­ar­til­lögur meiri­hlut­ans gagn­rýndar

Nokkuð hef­ur verið deilt um fjár­­laga­frum­varpið að und­an­­förnu og breyt­ing­­ar­til­lög­ur meiri­hlut­ans en gagn­rýni hefur meðal ann­ars komið frá Alþýðu­sam­bandi Íslands en mið­stjórn Alþýðu­sam­­bands Íslands sak­aði meiri­hluta fjár­laga­nefnd­ar Al­þing­is um að reka „óá­­­byrga rík­­is­fjár­­­mála­­stefn­u,“ á fjöl­miðla­fundi í síð­ustu viku. Gagn­rýn­is­raddir varð­andi breyt­ing­ar­til­lög­urnar hafa einnig borist frá­ ­Ör­yrkja­banda­lag­inu, SÁÁ og stjórn­ar­and­stöðu­flokk­un­um.

Meðal þeirra breyt­ing­ar­til­laga sem felldar voru í gær má nefna til­lögu Mið­flokks­ins um að veita Krabba­meins­fé­lagi Íslands fimm­tíu millj­ónir króna. Allar sautján til­lögur Sam­fylk­ing­ar­innar voru felldar þar á meðal til­lögur um hækkun á barna­bótum og vaxta­bótum um tvo millj­arða til hvors mála­flokks ásamt öllum til­lögum Pírata sem m.a. sneru að afnámi krónu á móti krónu skerð­ingu og leng­ingu fæð­ing­ar­or­lofs í 12 mán­uð­i.  

Gagn­rýna að rík­is­stjórnin hafn­aði öllum breyt­ing­ar­til­lögum nema sínum eigin

Sam­fylk­ingin hefur gagn­rýnt stefnu rík­is­stjórn­ar­innar er við kemur fjár­lög­unum og í til­kynn­ingu frá flokknum segir að fjár­laga­frum­varpið tryggir hvorki félags­legan né efna­hags­legan stöð­ug­leika og van­rækir félags­lega inn­viði. „Stefna rík­is­stjórn­ar­innar er óábyrg og ósjálf­bær og lætur byrð­arnar á þá sem minnst hafa á milli hand­anna þegar kreppir að og hlífir breiðu bök­un­um. Ekk­ert er gert til að mæta kröfum verka­lýðs­hreyf­ing­ar­innar og tryggja rétt­læti“ segir jafn­framt í til­kynn­ingu frá flokkn­um. 

„Það var slá­andi að sjá rík­is­stjórn­ina fella hverja góða til­lög­una á eftir annarri. Aukin fram­lög í barna- og vaxta­bætur líka, hærri stofn­fram­lög, aukn­ing til öryrkja og aldr­aðra, hækkun til SÁÁ var felld, hóf­legar við­bætur til hjúkr­un­ar­heim­ila, skóla, þró­un­ar­sam­vinn­u o.s.frv. Rík­is­stjórnin kaus frekar lækkun til öryrkja og aldr­aðra, lægri hús­næð­is­stuðn­ing, lægri fram­lög til fram­halds­skól­anna og auð­vitað lægri veiði­gjöld“ segir Logi Ein­ars­son 

Þing­flokkur Pírata gagn­rýndi einnig nið­ur­stöðu umræð­unnar í gær­kvöldi og segir nið­ur­stöð­una hafa verið fyr­ir­sjá­an­lega, í Face­book-­færslu þing­flokks­ins í gær­kvöldi. Í færsl­unni gagn­rýna þeir jafn­framt að allar breyt­ing­ar­til­lög­ur ­stjórn­ar­and­stöðu­flokk­ana voru felldar án skoð­un­ar, „Það er greini­legt að rík­is­stjórn Sjálf­stæð­is­flokks, Fram­sókn­ar­flokks og Vinstri grænna ætlar engu að breyta til að efla traust til stjórn­mál­anna.“